PROFILBARU.COM

Дэміс Хасабіс
Дэміс Хасабіс
	англ.: Demis Hassabis
Дата нараджэння	27 ліпеня 1976 (48 гадоў)
Месца нараджэння	Лондан, графства Вялікі Лондан, Вялікі Лондан[d], Англія, Вялікабрытанія;
Грамадзянства	Вялікабрытанія;
Род дзейнасці	інжынер, шахматыст, даследчык штучнага інтэлекту, спецыяліст у галіне інфарматыкі, game programmer, гулец у покер, data scientist, бізнесмен, video game developer
Месца працы	Універсітэцкі каледж Лондана[d]; Google DeepMind[d];
Альма-матар	Універсітэцкі каледж Лондана[d]; Квінс-каледж[d]; Кембрыджскі ўніверсітэт; Christ's College, Finchley[d];
Навуковы кіраўнік	Eleanor A. Maguire[d]
Член у	Лонданскае каралеўскае таварыства; Каралеўская інжынерная акадэмія навук Вялікабрытаніі[d]; Scientific Advisory Group for Emergencies[d]; Амерыканская акадэмія мастацтваў і навук; Папская акадэмія навук;
Узнагароды	Mullard Award[d] (2014) Fellow of the Royal Society of Arts[d] член Лонданскага каралеўскага таварыства[d] (2018) член Каралеўскай інжынернай акадэміі навук Вялікабрытаніі[d] (2017) 10 людзей года па версіі часопіса Nature[d] (2016) honoris causa (2018) Time 100[d] (2017) прэмія Альберта Ласкера за фундаментальныя медыцынскія даследаванні (2023) BBVA Foundation Frontiers of Knowledge Award[d] (2022) міжнародная прэмія Фонда Гайрднера (2023)
	Медыяфайлы на Вікісховішчы

Дэміс Хасабіс (англ.: Demis Hassabis; нар. 27 ліпеня 1976(1976-07-27)^[1], Лондан) — брытанскі даследчык штучнага інтэлекту, нейрабіёлаг, распрацоўшчык камп’ютарных гульняў.

Член Каралеўскай інжынернай акадэміі Вялікабрытаніі (2017), Лонданскага каралеўскага таварыства (2018). Лаўрэат прэміі Дэна Дэвіда (2020) і Нобелеўскай прэміі па хіміі (2024), якая была прысуджана яму за прадказанне фолдзінга бялкоў з дапамогай распрацаванай яго кампаніяй DeepMind праграма AlphaFold^[4]^[5].

Раннія гады

Дэміс нарадзіўся і вырас у Паўночным Лондане, у сям’і грэка-кіпрыёта і кітаянкі з Сінгапура. Гуляючы ў дзяцінстве ў шахматы, Хасабіс быў шахматным вундэркіндам, ва ўзросце 13 гадоў меў рэйтынг Эла ў 2300 пунктаў, займаючы пятае месца ў свеце сярод юнакоў да 14 гадоў^[6], узначальваў шматлікія англійскія юнацкія шахматныя каманды. Хасабіс вывучаў інфарматыку ў Квінс-каледжы Кембрыджскага ўніверсітэта з 1994 года і скончыў яго з падвойнай адзнакай у 1997 годзе.

Кар’ера

Lionhead

Пасля заканчэння Кембрыджа Дэміс некаторы час працаваў у студыі Lionhead. У прыватнасці быў вядучым праграмістам па стварэнні гульнявога штучнага інтэлекту для гульні Black & White.

Elixir Studios

У 1998 годзе Хасабіс пакінуў Lionhead і заснаваў кампанію Elixir Studios, незалежны Лонданскі распрацоўшчык камп’ютарных гульняў. Дэміс быў выканаўчым дызайнерам такіх гульняў як Republic: The Revolution і Evil Genius.

Кагнітыўная нейрабіялогія

Ён атрымаў доктарскую ступень у галіне кагнітыўнай нейрабіялогіі ва Універсітэцкім каледжы Лондана у 2009 годзе. У сваёй працы ён для новых алгарытмаў штучнага інтэлекту чэрпаў натхненне ў чалавечым мозгу. Працуючы ў галіне даследавання механізмаў працы памяці і амнезіі, быў суаўтарам некалькіх важных навуковых артыкулаў, апублікаваных у такіх аўтарытэтных навуковых часопісах як Nature, Science, Neuron і PNAS.

DeepMind

У 2010 годзе Хасабіс стаў адным з заснавальнікаў кампаніі па даследаванні штучнага інтэлекту DeepMind. У 2014 годзе Google купіў DeepMind за 400 мільёнаў фунтаў стэрлінгаў, хоць кампанія застаецца незалежнай юрыдычнай асобай з офісам у Лондане. Кампанія DeepMind, з моманту набыцця яе Google, пад кіраўніцтвам Хасабіса дабілася шэрагу значных дасягненняў у галіне стварэння саманавучальных нейронавых сетак, самымі вядомымі з якіх з’яўляюцца AlphaGo, AlphaZero і AlphaStar.

Адзначаны Mullard Award (англ.) Лонданскага каралеўскага таварыства (2014).