PROFILBARU.COM

	тат. Рөстәм Шәрифулла улы Вәлиев
Җенес	ир-ат
Ватандашлык	СССР; Россия
Туу датасы	27 октябрь 1961
Туу урыны	Самар, РСФСР, СССР
Үлем датасы	5 март 2014 (52 яшь)
Үлем урыны	Казан, Россия
Җирләнгән урыны	Киндерле
Балалар	Ислам Вәлиев
Һөнәр төре	музыкачы, гармонист
Эш урыны	Габдулла Тукай исемендәге Татар дәүләт филармониясе
Әлма-матер	Казан дәүләт консерваториясе
Музыкаль инструмент	гармун
Бүләкләр

Википедиядә Вәлиев фамилияле башка кешеләр турында мәкаләләр дә бар.

Википедиядә Рөстәм Вәлиев фамилияле башка кешеләр турында мәкаләләр дә бар.

Рөстәм Шәрифулла улы Вәлиев - виртуоз гармунчы, Татарстан Республикасының халык артисты, Русиянең атказанган артисты.

Тормыш юлы

Рөстәм Вәлиев Самар өлкәсенең Куйбышев шәһәрендә 1961 елның 27 октябрендә туган. Әтисе машина йөртүче булып эшләгән, әнисе балалар (ике ул һәм бер кыз) тәрбияләгән. Рөстәм – гаиләдә олы бала булган. Әти-әнисе сәнгатькә гашыйк булганнар һәм әкренләп балаларына да шул хисне күчергәннәр.

Рөстәм Вәлиев кечкенәдән баянда уйнарга яраткан һәм шәһәрнең сәнгать мәктәбенә укырга кергән. Унҗиде яшендә (Самар шәһәренең музыка училищесында укыганда) «Ялкынлы яшьлек» ансамбленә килгән. Анда шөгельләнгәндә аның күңелен татар музыкасы тулысынча биләп ала. Өч ел «Ялкынлы яшьлек»кә йөргәннән соң армия хезмәтенә алына. Кайткач, зур сәхнәгә юл Казан аша икәнлеген аңлап, Нәҗип Җиһанов исемендәге Казан дәүләт консерваториясенә укырга керә.

Бер үк вакытта халык уен кораллары факультетында белем ала һәм Татар дәүләт филармониясендә эшли башлый. Күп кенә татар эстрадасы артистлары белән таныша. Җырчы Зөһрә Шәрифуллина группасына керә, соңрак Әлфия Афзалова белән гастрольләргә чыга.

Халыкка танылуны һәм уңышны аңа Илһам Шакиров белән хезмәттәшлек китерә. Илһам Шакиров – Г. Тукай исмендәге Татар дәүләт филармониясенең әйдәп баручы солисты, гаҗәеп башкаручы. Аның көчле, матур тавышы татар көйләренең тирән эчтәлеген, миллилеген ача. Рөстәм Вәлиев егерме елдан артык Илһам Шакировның аккомпанияторы була, аның белән чит илләргә гастрольләргә чыга. Дөнья гизә.

Рөстәм Вәлиев – төрле музыка уен коралларында уйнаучы гына түгел, ә җыр һәм көй иҗат итүче дә. Аның әсәрләрен татар һәм башкорт эстрада йолдызлары башкара.

Рөстәм Вәлиев үзенең осталыгы белән Татарстан һәм Русиядә генә түгел, ә Америка, Канада, Финляндия, Төркия кебек чит илләргә дә таныш. Бу талант иясе баянда, ике рәтле һәм тальян гармунда, флейта, сорнай, кубыз кебек халык уен коралларында уйный.

Танылган гармунчы Рөстәм Вәлиев 2014 елның 5 март кичендә Казанда вафат булды. Үлеме сәбәбе - кузгалган тромб. Рөстәм Вәлиев 7 март көнне Казанның «Киндери» зиратында җирләнде.

Бүләкләнү

Татарстан Республикасының халык артисты, Русиянең атказанган артисты.

Гаиләсе

Улы Ислам Вәлиев (Malsi Music, 1990), электрон музыкант, композитор, битмейкер, DJ, саунд-дизайнер.

Искәрмәләр

Сылтамалар

Виртуоз гармунчы Рөстәм Вәлиев Русиянең атказанган артисты дигән мактаулы исемгә лаек булды 2016 елның 5 ноябрь көнендә архивланган.
И, Рөстәм,гармуныңны кемнәр уйнатыр?(үле сылтама)