ჯალი — სოფელი აფხაზეთის ავტონომიურ რესპუბლიკაში, ოჩამჩირის მუნიციპალიტეტში (მოქვის თემი), მდინარეების მოქვისა და ღალიძგის შუამდინარეთში. ზღვის დონიდან 160 მ, ოჩამჩირიდან 32 კმ, აკვასკიიდან (უახლოესი რკინიგზის სადგური) 10 კმ.[1] სახელწოდება ქართულია. მეგრულად „ტყეს, კორომს“ ნიშნავს. იგივეა, რაც ჯალონი (მეგრ. ჯა // ჯალ – ხე, ონი – სიმრავლის აღმნიშვნელი სუფიქსი).[2] 1923-1924 წლებში კოდორის მაზრაში შეიქმნა ჯალის სასოფლო საბჭო.[3] იგი არსებობდა 1954 წლამდე, როცა ჯალის სოფსაბჭო მოქვის სასოფლო საბჭოს შეუერთეს.[2] 2008 წლიდან ოკუპირებულია რუსეთის ფედერაციის მიერ.[4]
სქოლიო
- ↑ ქართული საბჭოთა ენციკლოპედია, ტ. 11, , 1987. — გვ. 533.
- ↑ 2.0 2.1 ბ. ხორავა, პ. ცხადაია, აფხაზეთის გეოგრაფიული სახელწოდებანი, თბილისი, 2016. — გვ. 124.
- ↑ ბ. ხორავა, ნ. ჭანტურია, აფხაზეთის ადმინისტრაციულ-ტერიტორიული დაყოფა 1921-1991 წლებში, თბილისი: უნივერსალი, 2019. — გვ. 26, ISBN 978-9941-26-675-1.
- ↑ კანონი ოკუპირებული ტერიტორიების შესახებ. დაარქივებულია ორიგინალიდან — 2011-01-01. ციტირების თარიღი: 2011-05-18.
.svg)
