Տաթևիկ Գասպարյան

Տաթև Գասպարյան
ՀՀ ԱԺ 7-րդ գումարման պատգամավոր
Կրթություն՝	Վալերի Բրյուսովի անվան Երևանի պետական լեզվահասարակագիտական համալսարան
Մասնագիտություն՝	անգլերենի մասնագետ
Ազգություն	հայ
Ծննդյան օր	1983, մայիսի 10
Ծննդավայր	Արարատ, գյուղ Շահումյան
Քաղաքացիություն	Հայաստան

Տաթևիկ Մաթևոսի Գասպարյան (մայիսի 10, 1983(1983-05-10), Շահումյան, Արտաշատի շրջան, Հայկական ԽՍՀ, ԽՍՀՄ), հայ պետական և քաղաքական գործիչ, ՀՀ ԱԺ 7-րդ գումարման պատգամավոր^[1]։

Կենսագրություն

Ծնվել է 1983 թվականի մայիսի 10-ին Արարատի մարզի Շահումյան գյուղում։ 2005 թվականին ավարտել է Երևանի Վալերի Բրյուսովի անվան պետական լեզվաբանական համալսարանի օտար լեզուների ֆակուլտետը։ Անգլերենի և իսպաներենի մասնագետ, ուսուցիչ։ Ներկայումս Երևանի Վալերի Բրյուսովի անվան պետական լեզվահասարակագիտական համալսարանի անգլերենի ամբիոնի հայցորդ է^[2]։ Վերապատրաստվել է «Ինթերնեյշնլ Հաուս» լեզվի ուսուցման կենտրոնում։ 2015 թվականին մասնակցել է Քեմբրիջի համալսարանի SELTA (մեծահասակների անգլերենի դասավանդում) ծրագրի դասընթացին։ 2005-2006 թվականներին Օհանյան վարժարանում եղել է անգլերենի ուսուցչուհի։ 2006 թվականից՝ Եվրասիա միջազգային համալսարանի, 2018 թվականից «Նորարարական կրթություն» հիմնադրամի դասախոս է։ 2016 թվականից «Հասարակության զարգացմանն աջակցող կանանց ասոցիացիա» հասարակական կազմակերպության անդամ է։ 2018 թվականի դեկտեմբերի 9-ին ընտրվել է ԱԺ պատգամավոր «Իմ քայլը» կուսակցությունների դաշինքի թիվ 5 ընտրատարածքի^[3] տարածքային ընտրական ցուցակով^[4]։ Գիտական 6 հոդվածի հեղինակ է։ Ամուսնացած է, ունի երեք զավակ։

Ծանոթագրություններ

1. «Տաթևիկ Գասպարյանը Ազգային Ժողովի պաշտոնական կայքում».
2. «Parliament Monitoring - Գասպարյան Տաթեւիկ Մաթեւոսի». parliamentmonitoring.am (անգլերեն). Վերցված է 2019 թ․ հունիսի 17-ին.
3. «Թիվ 5 ընտրատարածքի բոլոր թեկնածուները». Azat TV (ամերիկյան անգլերեն). 2018 թ․ նոյեմբերի 23. Վերցված է 2019 թ․ հունիսի 17-ին.
4. «National Assembly of Armenia | Official Web Site | parliament.am». www.parliament.am. Վերցված է 2019 թ․ հունիսի 17-ին.

Վիքիպահեստն ունի նյութեր, որոնք վերաբերում են «Տաթևիկ Գասպարյան» հոդվածին։