- Վիքիպեդիայում կան հոդվածներ Երանյան ազգանունով այլ մարդկանց մասին։
Գոռ Երանյան (նոյեմբերի 28, 1990(1990-11-28), Դարակերտ, Մասիսի շրջան, Հայկական ԽՍՀ, ԽՍՀՄ), պատմաբան, թուրքագետ, ՀՀ ԱԺ 7-րդ գումարման պատգամավոր։ Մանդատը ստացել է 2020 թվականի հոկտեմբերի 1-ին[1]։
Կենսագրություն
Ծնվել է 1990 թվականի նոյեմբերի 28-ին Մասիսի շրջանի Դարակերտ գյուղում։
2011 թվականին ավարտել է Երևանի պետական համալսարանի պատմության ֆակուլտետի բակալավրիատը, 2013 թվականին ՝ նույն ֆակուլտետի մագիստրատուրան։ 2016 թ.՝ ՀՀ գիտությունների ազգային ակադեմիայի պատմության ինստիտուտի ասպիրանտուրան։ Պատմական գիտությունների թեկնածու։
2015 թվականից ՀՀ գիտությունների ազգային ակադեմիայի պատմության ինստիտուտի գիտաշխատող է։ 2016 թվականից աշխատում է Մեսրոպ Մաշտոցի անվան հին ձեռագրերի գիտահետազոտական ինստիտուտում։ 2017-2020 թվականներին դասավանդել է Երեւանի պետական համալսարանի պատմության ֆակուլտետում։
2012-2020 թվականներին եղել է Սիվիլիթաս հիմնադրամի թուրքերենի թարգմանիչ և վերլուծաբան։
Մեկ մենագրության ու մի շարք գիտական հոդվածների հեղինակ է[2]։
Քաղաքական գործունեություն
2020 թվականի հոկտեմբերի 1-ին ԱԺ պատգամավոր է ընտրվել «Իմ քայլը» կուսակցությունների դաշինքի համապետական ընտրական ցուցակով՝ փոխարինելով Արմեն Փամբուխչյանին։
Ընտանիք
Գոռ Երանյանը ամուսնացած է, ունի մեկ զավակ։
Ծանոթագրություններ
|
|---|
| | Պատգամավորներ |
|
|---|
| | Լիազորությունները դադարեցրած | |
|---|
| | Կապված | |
|---|
| ¹ ՀՀ ԱԺ Նախագահ, ² ՀՀ ԱԺ Նախագահի տեղակալներ, * Խմբակցությունների ղեկավարներ, ** Խմբակցությունների քարտուղարներ ←  Կատեգորիա •  Պորտալ |
|
