Millerovoko aire-baseko erasoa

Millerovoko aire-baseko erasoa
Ukrainako inbasioa (2022)
Data	2022ko otsailak 25
Lekua	Millerovo aire-basea, Millerovo, Rostov Oblasta (Errusia)
Koordenatuak	48°57′08″N 40°18′08″E
Millerovo, Rostov Oblasteko mapa batetan (Errusia).
Gudulariak
Ukraina  Errusia
Indarra
Ukrainako Indar Armatuak Hainbat OTR-21 motako misil Errusiako Indar Armatuak Errusiako Aireko Indarrak Aireko eta Aire Defentsako 4. Armada Guardiako Borroka Hegazkintzako 31. Errejimentua[1] Su-30SMen bi eskuadroi[2]
Galerak
Galerarik ez. Su-30SM bat suntsitu Hainbat soldadu zauritu  Ukrainaren arabera: Gutxienez, bi Su-30SM suntsitu

Millerovoko aire-baseko erasoa 2022ko otsailaren 25ean, Errusiako Rostov Oblastean kokaturiko Millerovo hiriko Errusiaren aire-baseari eraso egin zioten ukrainar indarrek, 2022ko Ukrainako inbasioaren testuinguruan. Ukrainako funtzionario batzuen arabera, Ukrainako Indarrek OTR-21 Tochka misilekin Millerovoko aire-baseari eraso zioten, Errusiako Aireko Armadako zenbait hegazkinak suntsitu eta aire-baseari su emanez.^[3][4]

Testuingurua

Millerovo Errusiako Rostov Oblasteko herri bat da, Luhansketik 60 bat kilometrora kokaturikoa, Donbass eskualdean kokaturikoa, Errusiarekin muga egiten duena eta, partzialki, Donetskeko Herri Errepublikaren eskutan Donbasseko Gerra hasi zenetik.^[3]

Erasoa

Tokiko legea betearazteko agentzia baten arabera, Komsomolskaia Pravda izeneko tokiko egunkariari esan zionez, Ukrainako Tochka-U motako misil batek instalazioa jo zuela. Tokiko beste iturri batek, Rostov Gazetak, jakinarazi zuen erasoa Ukrainako Indar Armatuek egin zutela.^[5]

Jurii Butusov-ek, Censor.net izeneko Ukrainako sareko hedabide handieneko edizioburuak "gerra-historiako Ukrainako Indar Armatuen operazio arrakastatsuenetako bat" bezala deskribatu zuen erasoa, bai eta "Putinek ezkutatu ezin izango duen porrota" bezala.^[6][7]

Erasoa, Ukrainako Indar Armatuek, ofizialki, erantzule zirenik esan ez zutena, Errusiako Indarrek Ukrainako hirien bonbardaketari erantzunez egin omen zuten.

Ondorioak

Aire-erasoaren ondorioz, hainbat pertsona zauritu zirela jakinarazi zuten;^[8] gainera, pilotu bat, beranduago, hil omen zen, zauriengatik.^[9] Gutxienez, Sukhoi Su-30SM bat suntsitu zen erasoan zehar, lurrean, txio bidez hedatutako irudien arabera.^[10] Hala ere, Ukrainako funtzionarioek eta aditu militarrak esan zuten, gutxienez, bi Su-30SM ehiza-hegazkin errusiar suntsitu zirela erasoan.^[11]

Erreferentziak

1. https://www.janes.com/defence-news/news-detail/ukraine-reportedly-strikes-russian-airbase
2. http://www.easternorbat.com/html/russian_air_force_eng.html
3. ↑ Dutton, Jack. (25 February 2022). «Russian Military Base Blown Up as Ukraine Fights Back» Newsweek.
4. «Ukrainian Armed Forces attacked Millerovo with Tochka-U» RostovGazeta 25 February 2022.
5. (Ingelesez) Lonas, Lexi. (25 February 2022). «Ukrainian forces target Russian airfield near border: report» TheHill.
6. (Ukraineraz) «Україна у відповідь на обстріл українських міст завдала ракетного удару по російській авіабазі Міллерово — Бутусов» nv.ua.
7. (Ukraineraz) Бутусов, Юрій. (2022-02-25). «Юрій Бутусов: Одна з найуспішніших операцій ЗСУ в історії війни» OBOZREVATEL NEWS.
8. «Residents of Rostov Oblast reported shelling of the Millerovo military airbase» Caucasus.Realities 25 February 2022.
9. (Errusieraz) «Во время спецоперации погиб пилот, служивший в Ростовской области» Donday.
10. «Ukrainian missile strike destroyed Russian Sukhoi Su-30SM at Millerovo» World Fighter Jets 25 February 2022.
11. Gabedava, Tatyana. (25 February 2022). «Ukraine in response to the shelling of Ukrainian cities launched a missile attack on the Russian airbase Millerovo -Butusov» Novoye Vremya.

Kanpo estekak

• Datuak: Q111017869