Zaorejas [zaoREĥas] estas municipo en Hispanio, en la aŭtonoma komunumo, do regionoKastilio-Manĉo kaj la provinco Gvadalaĥaro. Laŭ la stato de 2023 en la municipo vivis 112 loĝantoj sur areo de 189 kvadrataj kilometroj, kio rezultigas loĝdenson de 0,6 loĝantoj/km². La loĝantoj nomiĝas zaorejanos [zaoreĤAnos] respektive zaorejanas [zaoreĤAnas]. Zaorejas estas konsiderata kiel la ĉefurbo de la Supra Taĵo, pro sia geografia situo en la centro de la parko; krome ĝi estas la nura municipo de la nomitaj gancheros [ganĈEros][1] kie oni povas viziti unu el interpretejoj de la Natura Parko Alta Taĵo. La municipa teritorio enhavas la submunicipojn Huertapelayo kaj Villar de Cobeta.
Situo
Alto Tajo tra la municipa teritorio de Zaorejas.Vidaĵo el rigardejo en la municipa teritorio de Zaorejas.
Dum la unua duono de la 20-a jarcento la loĝantaro estis foje 1 000 loĝantoj, sed poste venis dekadenco kaj la loĝantaro malpliiĝis.
Post la Hispana Enlanda Milito la loĝantaro falis el pinto de 992 loĝantoj en 1950 al 131 en 2016, do oni perdis pli ol 800 loĝantojn pro diversaj kialoj: nome bataloj, prizono, politika persekutado, malsato ktp. Meze de la 20a jarcento la loĝantaro de multaj vilaĝoj de la regiono atingis pinton, kaj ankaŭ ĉe Zaorejas, sed poste okazis elmigrado, senloĝigo kaj maljuniĝo de la loĝantaro ĉefe dum la 1960-aj kaj 1970-aj jaroj, kaj ankaŭ ĉe Zaorejas kie la nombro de loĝantoj falis al la nunaj 112 en 2023.
Ekonomio
Agrikulturo (neirigacia) kaj brutobredado tradicie. Pensioj de emerituloj. Forstado, gastado, rura tursimo: Muzeo de gancheros, interpretejo de la Natura Parko Alta Taĵo, romia akvedukto, restaĵoj de keltiberoj kaj romiaj ŝseoj en la areo.
Notoj
↑ Hokistoj, pro la tradicia metio transporti arbotrunkon laŭ la rivero sur ili manipulante ilin per longaj hokoj.
