La stacio estis malfermita en 1909 sub la nomo Charenton (el samnoma strato). Ĝi alprenis sian definitivan nomon la 12-an de julio1939, probable por eviti konfuzojn pro la plilongigo (tiam konstruata) de la Linio 8 al Charenton-le-Pont.
Ĝia nomo venas de ties proksimeco kun Strato Dugommier kies nomo omaĝas al Jacques François Dugommier (1738-1794, realnome Coquille ĝis 1785), franca generalo, deputito de la Nacia Konvencio, kiu komandis francajn soldatojn kiuj reprenis Toulon-on. Li ankoraŭ gajnis decidan venkon en batalo de Boulou, en majo 1794, kaj estis mortigita en la dua batalo de la Muga, en novembro 1794.
La stacio disponas pri ununura alirejo konsistanta el ŝtuparo situanta fronte al n-ro 1, Bulvardo de Reuilly.
