A sintaxi d'oracions con infinitivo en aragonés presenta unas peculiaridaz destacables.
Un tipo d'oración tipica d'o latín y que conserva l'aragonés consiste en que o "subchecto lochico" d'o infitivo amaneix como acusativo (en latín) u como complemento directo (en aragonés). Eixemplos:
En as perifrasis factitivas de verbos transitivos dezaga d'o verbo tipo fer o infinitivo tien como subchecto un complemento indirecto. Eixemplo:
- Nusatros li faríanos leyer o libro.
O infinitivo simple va dezaga d'a preposición de dezaga de bella locución verbal u verbos tipo permitir, fer goyo. Eixemplos:
- Agora nos toca de pagar a nusatros.
- A Lois, le faría goyo de quedar-se.
- Yera una tronada que ya feba miedo de sentir-la.
- le preba bien de vivir en a montanya.
Un d'os pocos autors que han parau cuenta d'esta estructura ye Chabier Tomás Arias, en especial en os verbos volitivos, comparando con emplegos que tamién se documentan en catalán, occitán y francés.[1]
- Yo no decicié de parrir.[1]
- No me vaga de bahar.[1]
- Manyana ya me vagará de fregar.[2]
- o, con este nevazo tan gran ya nos vagará d'asperar.
[2]
Ye de destacar que permaneixe mesmo cuan os verbos chenuínament aragoneses son substituitos por verbos propios d'o castellano en as zagueras pervivencias d'a luenga aragonesa:
- No le cuaha de venir t'aquí.[2]
- No le gusta de rondar.[1]
Referencias
- ↑ 1,0 1,1 1,2 1,3 (es) Chabier Tomás Arias: El aragonés del Biello Sobrarbe. Instituto de Estudios Altoaragoneses, 1999. ISBN 84-8127-095-4. pp 157-159.
- ↑ 2,0 2,1 2,2 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0, p 98, pp 393-394.
Bibliografía
- (es) Chabier Tomás Arias: El aragonés del Biello Sobrarbe. Instituto de Estudios Altoaragoneses, 1999. ISBN 84-8127-095-4.
- (es) Jesús Cantera y Eugenio de Vicente: Gramática francesa. Editorial Cátedra, S.A., 1999.
- (es) Gramática francesa. Larousse Editorial, S.A, 2000.
- (es) Gramática francesa. Larousse Editorial, S.A, 2014.
- (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0
Se veiga tamién
Vinclos externos
