பண்டைய அலெப்போ நகரம்

பண்டைய அலெப்போ நகரம்

யுனெசுக்கோ உலகப் பாரம்பரியக் களம்
பண்டைய அலெப்போ நகரத்தின் காட்சி
அமைவிடம்	அலெப்போ, சிரியா
உள்ளடக்கம்	2010-இல் அலெப்போ அரண்மனை மற்றும் அல்-மதீனா நகர வீதி
கட்டளை விதி	பண்பாட்டுக் களம்: (iii), (iv)
உசாத்துணை	21
பதிவு	1986 (10-ஆம் அமர்வு)
அழியும்நிலை	2013–
பரப்பளவு	364 ha (1.41 sq mi)
ஆள்கூறுகள்	36°12′09″N 37°09′46″E
Location of பண்டைய அலெப்போ நகரம் in சிரியா.

பண்டைய அலெப்போ நகரம் (Ancient City of Aleppo) பண்டைய அண்மை கிழக்கின் தற்கால சிரியா நாட்டில் உள்ளது. தற்போதும் இதன் பெயர் அலெப்போ என்றெ அழைக்கப்படுகிறது.

2014-இல் சிரிய உள்நாட்டுப் போர் துவங்குவதற்கு முன்னர் அலெப்போ நகரத்தின் 12-ஆம் நூற்றாண்டு முதல் 16-ஆம் நூற்றாண்டு வரையிலான கட்டிடங்களும், அரண்மனைகளும் பழுதின்றி பராமரிக்கப்பட்டு வந்தது.

பண்டைய அலெப்போ நகரத்தைச் சுற்றிலும் கோட்டைச் சுவர்களுடன் 350 ஹெக்டேர் (860 ஏக்கர்; 3.5 சகிமீ) நிலப்பரப்பும், 1,20,000 மக்களும் வாழ்ந்து கொண்டிருந்தனர்.^[1]

பெரிய குடியிருப்புகளும், பெரிய கடை வீதிகளும், சிறிய தெருக்களும் கொண்ட பண்டைய அலெப்போ நகரத்தை, 1986-இல் யுனெஸ்கோ நிறுவனம் உலகப் பாரம்பரியக் களமாக அறிவித்துள்ளது.^[2][3]

பண்டைய அலெப்பொ நகரத்தின் உலகப் பாரம்பரிய கட்டங்களும், சின்னங்களும் சிரிய உள்நாட்டுப் போரில் இசுலாமிய அரசு தீவிரவாதிகளால் வெடி வைத்து தகர்க்கப்பட்டது.^{[4][5][6][7][8]}

தோற்றம்

பண்டைய அலெப்போ நகரத்தின் மாதிரிக் காட்சி

குஷ்ருவியா மசூதி, கார்ல்டன் அரண்மனை விடுதி, தற்போது இவைகள் சிரிய உள்நாட்டுப் போரில் சிதைந்து போனது

குயிக் ஆற்றின் இடது கரையில் 160 ஹெக்டேர் பரப்பில் அமைந்த பண்டைய அலெப்போ நகரத்தைச்சுற்றி, 5 கிமீ நீளம் கொண்ட சுவர்களைக் கொண்ட அரணுடன் கூடியது. மேலும் பண்டைய அலெப்போ நகரத்தைச் சுற்றி 8 சகிமீ வட்ட வடிவில் எட்டு குன்றுகளால் சூழப்பட்டது. இந்த குன்றுகளில் மையமாக அமைந்த குன்றில் கிமு இரண்டாயிரம் ஆண்டில் நிறுவப்பட்ட அக்ரோபோலிஸ் வடிவத்தில் கோயில் உள்ளது. மேலும் இக்குன்றுகளில் சவ்தா சைசா, அல்-அன்சாரி போன்ற தொல்லியல் மேடுகள் உள்ளது. ^[9] இப்பழைய நகரத்தின் 5 கிமி நீளம் கொண்ட சுற்றுச் சுவர்களை எகிப்திய மம்லுக் சுல்தான்கள் மறுசீரமைத்தனர். இந்நகரம் 9 அகலமான நுழைவாயில்கள் அகழியுடன் கூடியிருந்தது. தற்போது 5 நுழைவாயில்கள் மட்டும் பாதுகாக்கப்பட்டுள்ளது. ^[9]

வரலாறு

கிமு 2400 முதல் பண்டைய அலெப்போ நகரம் கீழ்கண்ட இராச்சியங்களின் பகுதியாக விளங்கியது. தற்கால அலெப்போ நகரத்தில் பண்டைய அலெப்பொ நகரத்தின் தொல் பொருட்கள் கண்டறியப்பட்டுள்ளது.^[10]

கிமு 2400 – கிமு 23-ஆம் நூற்றாண்டின் நடுப்பகுதி வரை ஆர்மி இராச்சியம் கிமு 23-ஆம் நூற்றாண்டின் நடுப்பகுதி முதல் – கிமு 22-ஆம் நூற்றாண்டு நடுப்பகுதி வரை அக்காடியப் பேரரசு 21-ஆம் நூற்றாண்டு முதல் - 19-ஆம் நூற்றாண்டு வரை எப்லா இராச்சியம் கிமு 1800 –கிமு 1595, அமோரிட்டு இராச்சியம் கிமு 1595 – கிமு 1500, பழைய இட்டைட்டுப் பேரரசு கிமு 1500 - கிமு 1450 மித்தானி இராச்சியம் கிமு 1450 - 1350 புது எகிப்து இராச்சியம் கிமு 1350 – 12-ஆம் நூற்றாண்டின் துவக்கம் வரை புதிய இட்டைட்டுப் பேரரசு கிமு 11-ஆம் நூற்றாண்டு, பாலஸ்தீனத்தின் சிரிய-இட்டைட்டு இராச்சியம் கிமு 10-ஆம் நூற்றாண்டு, பிட் அகுசியின் சிரிய-இட்டைட்டுப் பேரரசு கிமு 9-ஆம் நூற்றாண்டு - 7-ஆம் நூற்றாண்டின் பிற்காலம் வரை, புது அசிரியப் பேரரசு 6-ஆம் நூற்றாண்டின் துவக்கம் முதல் - 6-ஆம் நூற்றாண்டின் நடுப்பகுதி வரை, புது பாபிலோனியப் பேரரசு கிமு 550 - கிமு 350 வரை பாரசீகத்தின் அகாமனிசியப் பேரரசு கிமு 333 – கிமு 312 அலெக்சாண்ண்டரின் கிரேக்கப் பேரரசு கிமு 312 – கிமு 88, கிரேக்க செலூக்கியப் பேரரசு கிமு 88 – கிமு 64, ஆர்மீனியா இராச்சியம் கிமு 64 – கிமு 27, உரோமைக் குடியரசு கிமு 27 – கிபி 395, உரோமைப் பேரரசு கிபி 476–608, பைசாந்தியப் பேரரசு கிபி 608 – 622, சாசானியப் பேரரசு 622–637, மீண்டும் பைசாந்தியப் பேரரசு 637–661, ராசிதீன் கலீபாக்கள் 661–750, உமையா கலீபகம்

750–878, அப்பாசியக் கலீபகம் 878–905, எகிப்திய துலுனுது வம்சம் 905–941, அப்பாசியக் கலீபகம் (மீண்டும்) 941–944, எகிப்திய இக்சிதிது அரசமரபு 944–1003, அரபு சியா ஹமதானிகள் 1003–1038, பாத்திம கலீபகம் 1038–1080, அரபு மிர்தாசித்து வம்சம் 1080–1086, அரபு சியா உகய்லிது வம்சம் 1086–1118, செல்யூக் பேரரசு 1118–1128, துருக்கிய அர்த்துகித்துகள் (Artuqids) 1128–1183, துருக்கிய சென்கித்து வம்சம் 1183–1260, குர்துகளின் அய்யூப்பிய வம்சம் 1260 மார்ச்–அக்டோபர், மங்கோலியப் பேரரசு 1260–1400, எகிப்தின் மம்லுக் சுல்தானகம் 1400 தைமூரிய வம்சம் 1400–1516, எகிப்தின் மம்லுக் சுல்தானகம் (மீண்டும்) 1516–1918, உதுமானியப் பேரரசு 1920 மார்ச் – சூலை, சிரியாவின் அரபு இராச்சியம் 1920–1924, பிரான்சு நாட்டின் கீழ் அலெப்போ அரசு 1924–1946, பிரான்சு நாட்டின் கீழ் சிரியா மற்றும் லெபனான் 1946–1958, சிரியக் குடியரசு 1958–1960, ஐக்கிய அரபுக் குடியரசு 1960– தற்கால சிரியா

பண்டைய அலெப்பொ நகரம்

அலெப்போ அரண்மனையில் ஆதாத் கடவுளின் கோயில்

• 
  Khan al-Shouneh
• 
  அல்-இராஜ் சதுக்கம்
• 
  அல்-அத்மா சதுக்கம்
• 
  அல்-தீரா சதுக்கம்
• 
  கான் அல்-வசீர்
• 
  பண்டைய அலெப்பொ அரண்மனை
• 
  அல்-சிபானி தேவாலயம்]]
• 
  பீமரீஸ்தான் அரண்மனை, கிபி 1354
• 
  பாப் அல்-பராஜ் கடிகார கோபுரம்
• 
  குஷ்ருவியா மசூதி
• 
  ஆர்மீனியன் தேவலாயம்
• 
  அலெப்போ நகரச் சுவர்கள், கின்னசரின் நுழைவாயில், கிபி 1256
• 
  ஹம்மாம் அல்-நஹாசின்
• 
  பாப் அல்-பராஜின் பழைய சுவர்கள்

பண்டைய நகரத்தின் பராமரிப்பு

பண்டைய அலெப்போ நகரம் பெரிய வணிக மையமாக இருந்தது. இந்நகரம் கிழக்கே மெசொப்பொத்தேமியா, நடு ஆசியா, தெற்காசியாவிற்கும் மேற்கே பண்டைய எகிப்து, பண்டைய கிரேக்கம் மற்றும் உரோமைப் பேரரசுகளுக்கு இடையே வணிக மையமாக திகழ்ந்தது.

பண்டைய அலெப்போ நகரம் பெரிய வணிக வீதிகளும், வணிக வளாகங்களும், தேவாலயங்களும், மசூதிகளும், மதராசாக்களுடன் கூடியதாக இருந்தது. இரண்டாம் உலகப் போருக்குப் பின் 1954-இல் பண்டைய அலெப்போ நகரம் மறுசீரமைக்கப்பட்டது.

1954 - 1983-க்குள் பண்டைய அலெப்போவின் வரலாற்றுச் சிறப்புமிக்க கட்டிடங்கள் தவிர்த்து பிற கட்டிடங்கள் இடிக்கப்பட்டு, மேற்கத்திய கட்டிடக் கலைஞர்களால் நவீன பல மாடி கட்டிடங்கள் நிறுவப்பட்டது நகரம் பொலியுறுத்தப்பட்டது. 1986-இல் பண்டைய அலெப்போ நகரத்தை யுனெஸ்கோ நிறுவனம் உலகப் பாராம்பரியக் களங்களில் ஒன்றாக அறிவிக்கப்பட்டது.^[3]

உலகின் பல தொல்லியல் அகழ்வாய்வாளர்கள் அலெப்போவின் தொல்லியல் மேடுகளை அகழ்வாய்ந்து பல தொல்லியல் களங்கள் மற்றும் தொல் பொருட்கள் கண்டறிந்தனர். ^[11]

இதனையும் காண்க

• டமாஸ்கஸ்
• பண்டைய அண்மை கிழக்கின் நகரங்கள்

மேற்கோள்கள்

1. bleeker. "Alepposeife: Aleppo history". Historische-aleppo-seife.de. பார்க்கப்பட்ட நாள் 2013-06-10.
2. Ancient City of Aleppo
3. "eAleppo:Aleppo city major plans throughout the history" (in Arabic).
4. "Fighting in Aleppo starts fire in medieval souks". Kyivpost.com. பார்க்கப்பட்ட நாள் 2013-06-10.
5. Bombing of the justice palace
6. Bombing of Carlton hotel
7. Bombing of the city council
8. https://www.usnews.com/news/world/articles/2017-01-20/unesco-30-percent-of-aleppos-ancient-city-destroyed
9. Alexander Russell, ed. (1856). The Natural History of Aleppo (1st ed.). London: Unknown. p. 266.
10. "Ancient Aleppo Background". Archived from the original on 2019-10-28. பார்க்கப்பட்ட நாள் 2019-10-28.
11. Writer, Suchitra Bajpai Chaudhary, Staff (2007-09-13). "A true cityzen". GulfNews இம் மூலத்தில் இருந்து 2018-03-21 அன்று. பரணிடப்பட்டது.. https://web.archive.org/web/20180321192656/http://gulfnews.com/culture/people/a-true-cityzen-1.25266. 

வெளி இணைப்புகள்

விக்கிமீடியா பொதுவகத்தில்,
Ancient City of Aleppo
என்பதில் ஊடகங்கள் உள்ளன.

• 3-D Old Aleppo map
• Ancient City and Citadel of War-Torn Aleppo Are Syria’s Golden Age Legacya
• Aleppo news and services (eAleppo)
• Organization of World Heritage Cities
• Ernst Herzfeld Papers, Series 5: Drawings and Maps, Records of Aleppo பரணிடப்பட்டது 2011-10-08 at the வந்தவழி இயந்திரம் Collections Search Center, S.I.R.I.S., Smithsonian Institution, Washington, D.C.
• Louis Werner, 4000 Years Behind the Counters in Aleppo, 2004, Saudi Aramco World