Sent Joan de Blanhac (Saint-Jean-de-Blaignac en francés) es una comuna occitana deu Vasadés istoric, en Guiana, administrada per lo departament de Gironda e la region de Novèla Aquitània, ancianament d'Aquitània.
Geografia
Lo borg es bastit sus un travèrs que domina la Dordonha e son pont sus la RD 670. Sent Joan de Blanhac es un caireforc rotièr modèste, mes d'importància au mens comparabla a Rausan e a Blasimont : RD 670 (Tolosa)-La Rèula-Liborna, RD 18 Gençac-Brana, RD 119 e 123 cap a Castilhon, que se contunhan per la RD 128E5 cap a Naujan e Postiac e la RD 119E3 cap a Jugasan, RD 119 e 123, autes camins cap a Rausan. Sa foncion comerciala actuala es quasi nulla pr'aquò : los comèrcis son sustot a Lavanhac, dens la ribèira, sus la comuna de Senta Tèrra.
Perimètre deu territòri
Toponimia
Las fòrmas ancianas son : Blannag (ecclesia de ~), sense data, Blanac (Helias de ~), sense data, Blagnac (aecclesia de ~), en 1114, Blaignag (aecclesia S. Johannis de ~), en 1115, Blagniacum (apud ~), en 1155-1183 [1]. Lo nom vendré d'un nom latin d'òme Blannius o Blandius, emb lo sufixe -acu(m)[1],[2], latinizacion deu sufixe gallic -acon. (Sent Joan de) Blanhac èra donc probablament una anciana granda propietat antica qu'avèva per mèste Blannius o Blandius.
Istòria
Sent Joan de Blanhac èra un pòrt e un peatge sus la Dordonha [1].
Administracion
Lista deus cònsols successius
| Periòde
|
Identitat
|
Etiqueta
|
Qualitat
|
| març 2014
|
(2026)
|
Bernard Gauthier
|
|
agricultor
|
| març 2001
|
2014
|
Didier Minard
|
divèrs dreta
|
|
|
|
2001
|
|
|
|
| Totas las donadas non son pas encara conegudas.
|
- Avant la refòrma cantonala de 2014, aplicada en 2015, la comuna èra deu canton de Pujòus; es adara deu canton deus Tuquets de Dordonha.
Demografia
- En 2019 la populacion èra de 463 abitants e la densitat èra de 82,97 ab/km².
Lòcs e monuments
- Anciana glèisa priorala deu sègle XII, que dependé de l'abadia de La Seuva Majora, fortificada au sègle XIV.
-
Lo portau
-
Lo clochèir
-
Torreta laterala dreta
-
Pòrta laterala
-
Crotz de cementèri
 |
Clicatz sus una vinheta per l’agrandir.
|
Personalitats ligadas emb la comuna
Veire tanben
Ligams extèrnes
Nòtas
- ↑ 1,0 1,1 et 1,2 Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 298
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 86, per los Blanhacs
.svg){kind=small}
