Pujòus (Pujols en francés), es una comuna occitana deu Vasadés istoric, en Guiana, lingüisticament gascona, administrada per lo departament de Gironda e la region de Novèla Aquitània, ancianament d'Aquitània.
Geografia
Perimètre del territòri
Toponimia
Las fòrmas ancianas son Pujous, en occitan, lo 2 de març de 1273, Poious (in parochiis deu ~), en 1273-1289, emb lo nom en occitan.
Lo mot pujòu, en gascon (pujòl en lengadocian, pujol o puiol en catalan), es un derivat de pug/puèg, deu latin podium, emb lo sufixe -eolum, de valor diminutiva : marca la preséncia d'un petit pug/puèg [1],[2]. La fòrma *pojòu, atau coma lo vèrbe pojar, lo nom pojada, seré pus etimologica. La varianta pujòu/pujòl, probablament pus espandida, s'explica per una ipercorreccion au moment deu passatge de la prononciacion de u de [u] a [y] : aquí ont aqueth passatge se fit tard, la prononciacion [y] s'espandit dens deus cas qu'èra pas etimologica (per puòg/puèg/pug, la preséncia de -u- s'explica autrament, per una diftongason condicionada per iòd).
Lo mot es sovent au plural en occitan, que sisca pr'amor de la pluralitat deus pujòus, o per una auta rason (frequéncia en Gironda deus noms emb finala -s non etimologica, e que son la marca d'ancians gentilicis (coma a Sent Pèir de Castèths, qu'avé qu'un sol castèth).
Istòria
Administracion
Lista deus cònsols successius
| Periòde
|
Identitat
|
Etiqueta
|
Qualitat
|
| 2020
|
(2026)
|
Delphine Condot
|
|
|
| 2008
|
2020
|
Marie-Emilie Sallette
|
|
retirada de l'ensenhament
|
| març de 2001
|
2008
|
Jean-Claude Gachinard
|
|
|
|
|
2001
|
|
|
|
| Totas las donadas non son pas encara conegudas.
|
- Abans la refòrma cantonala de 2014, aplicada en 2015, la comuna èra caplòc deu canton de Pujòus; es adara deu canton deu canton deus Tuquets de Dordonha.
Demografia
- Las donadas de 1793, 1006 abitants, e de 1800, 1012 abitants, empacharién lo grafic de foncionar
- En 2019 la populacion èra de 528 abitants e la densitat èra de 71,35 ab/km².
Luecs e monuments
- La Glèisa Sent-Pèir de Pujòus, bastida aus sègles XIII-XIV, inicialament dedicada a la mair de Jesús e nommada Nòsta Dòna, es classada monument istoric dempuèi 1846[3],[4].
- La glèisa conten un sarcofague crestian que data de l'Edat Mejana e que pòrta sus lo costat l'escultura d'un crisme dens una corona, qu'es classat coma objècte monument istoric dempuèi 1903 [5].
- Deu castèth de Pujòus, bastit aus sègles XIV-XV, rèstan que le còrs deu bastiment èst e lo mur d'encinta sud ; es inscrit monument istoric dempuèi 1925[6].
- Dempuèi lo nòrd (per exemple dempuèi la RD 232), las duás fòrmas deu castèth e de la glèisa, situada pus bas, son bessonas e se responden, emb la partida auta deu medish costat. Es un deus paisatges umanizats pus curiós e remarcables deu Vasadés.
-
La glèisa Sent Pèir (julhet 2014).
-
L'absida de la glèisa (julhet 2014).
-
Lo sarcofague (març 2013).
-
Lo crisme deu sarcofague (març 2013).
-
Lo castèth (julhet 2014).
-
La tor deu castèth (julhet 2014).
-
Lo monument aus mòrts sus l'esplanada deu castèth (julhet 2014).
 |
Clicatz sus una vinheta per l’agrandir.
|
Personalitats ligadas emb la comuna
Veire tanben
Ligams extèrnes
Nòtas
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 523
- ↑ Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 253
- ↑ Basa Mérimée Notícia N°PA00083689, Ministèri francés de la Cultura.
- ↑ Jacques Gardelles - Aquitaine gothique - pp. 224-225 - Picard - Paris - 1992 - ISBN: 2-7084-0421-0
- ↑ Notícia N°PM33000635
- ↑ Basa Mérimée Notícia N°PA00083688, Ministèri francés de la Cultura.
.svg)
.svg){kind=small}
