La Mòta. Las fòrmas ancianas son Mota Sancti Paycon, en latin, en 1279, Sent Paisent au sègle XIII, Mota Sancti Paxentii, en latin, en 1364, La Mote Sent Payssen en 1393-1394[6], La Motha Saint-Paixent, en 1476. Sent Paissent (?) es un martir [escur] deu sègle II [7]. Mòta ven d'un mot prelatin (sense precision : lo mot sembla pas gallés e probable que los gallés l'adoptèren). Lo sens fuguèt « tuqueta», puèi « tuqueta naturala o artificiala susmontada d'un castèl », puèi per extension lo nom d'aquel castèl[8],[7],[9].
Montravèl es lo nom d'un castèl, demolit au començament deu sègle XVII, situat sus un replanat en fòrma de sèrra dens la comuna de Montcaret, au nòrd-èst de La Mòta e au nòrd-oèst de Montcaret. Las fòrmas ancianas son Capella... de Monte Revelli, en latin, en 1137, Castrum Monrevel, au sègle XII, Monte Revellum, en latin, en 1273, Mons Revellum, en latin, en 1306, Mont Revel en 1456 [7]. Lo nom es format de mont e de revèl « rebèl, que resistís », apellacion que se vòl menaçanta d'un « castèl que se laissariá pas prene » [7],[10].
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
