La fòrma oficiala en 1793 èra Solaure e en 1801 Solaures[1]. La prononciacion es [su’lawrɒ] [2].
Solaura (atestacions Solora, sense data, e Soulore al sègle XVII es un nom que demòra escur. Chantal Tanet et Tristan Hordé evòcan una fòrma donada per Mistral, soulàuri, varianta de soulàupi, soulàubi qu'a lo sens de recès, abric, engard[3]. L'explicacion supausa una tendéncia anciana al rotacisme que demandariá d'autres exemples en Perigòrd e lo mot donat per Mistral es atestat en Roergue.
Lo càmbiament vocalic (de Solora a Solaura), entre las atestacions e la prononciacion modèrna, s'interprèta mal e benlèu qu'es una illusion. Se la fòrma Solora escond un diftongue de tipe -òu-, coma aquò pòt arribar, que en occitan a tendéncia a se mudar en -au-, una comparason s'impausa d'una part emb Colòures[4], que seriá segon de toponimistas derivat de coluber/colubra, e emb Andaura[5], que seriá un ande-brigā, « granda fortalesa », per los airals que faber i dona faure, puèi d'autra part emb Andabra, doblet de Andaura, e emb Soulobres (nom francés), luèc situat près de Milhau, a 44° 06′ 55″ Nòrd e 3° 00′ 59″ Èst, per los airals que faber i dona fabre. Solaura, situat a la devisa del territòri dels Petrocorii e dels Nitiobroges, pòt èstre un brigā (inaccentuat) ? La finala dels noms acabats en -brigā pòt èsser en -e o en -a. Ren empacha pas un etime en -b-r- e, especialament, en -brigā. La dificultat es tanben de trobar un siti adaptat a una fortalesa, mas brigā a tanben lo sens oronimic de « tuca, puèg » (i a tanben una montanha de Solaura en Diés). Per Soulièvres (Peitau), Xavier Delamarre dona solo-brigā, « la tuca de Solos » (Solos, nom celtic d'òme), mas solo-duron, « la propietat e/o lo mercat de Solos » per los Soulaire(s) e Solers (França) [6]. -Brigā sembla pus probable que -duron per Solaure, mas i a pas de certitud. I a pas gaire de descendents occitans de duron. Son en -oire, coma (i)Soire[7] e benlèu Altoire, ancianament en -or, coma Chanaur (Chanaor en 1098 [8]) e en -òre (ore ?), coma Jallore, montanha situada près de Mézères[9].
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
