Det meste av Longford ligg i nedslagsfeltet til Shannonelva, som utgjer den vestlege grensa til grevskapet. Den store innsjøen Lough Ree ligg i Longford. Den nordaustlege delen av grevskapet høyrer derimot til nedslagsfeltet til elva Erne og mykje av Lough Gowna ligg òg i Longford. Typisk landskap i Longford er innsjøar, myrområde og beitemarker. Longford er generelt lågtliggande og det høgaste punktet er Carn Clonhugh i nordvest med ei høgd på 279 meter over havet.
