County Cork

Cork
Corcaigh
county
Land	Irland
Provins	Munster
Hovudstad	Cork
Areal	7 500 km²
Folketal	542 196 (2016)
Bilnummer	C
County Cork 52°N 8.75°W / 52; -8.75
Kart som viser County Cork. Kart som viser County Cork.
Wikimedia Commons: County Cork

County Cork (irsk Contae Chorcaí eller berre Corcaigh)^[1] er eit grevskap i Republikken Irland sørvest på Irland i provinsen Munster.

County Cork grensar til Limerick i nord, Tipperary og Waterford i aust, Det keltiske havet i sør og Atlanterhavet og Kerry i vest.

Det vart formelt oppretta som grevskap i 1606 då det gamle grevskapet Desmond vart delt i grevskapa Cork og Kerry. Det er òg kjend som The Rebel Country fordi det ofte har hatt ein framståande rolle under tidlegare opprør. Administrasjonsbyen er Cork, som òg utgjer eit eige grevskapsdistrikt, City of Cork. Byen er den nest største i Republikken.

Den mest kjende staden ved sidan av byen Cork er nok Cobh, tidlegare Queenstown, der særs mange utvandrarar gjekk om bord på skip til USA, Canada, New Zealand og Sør-Afrika. Cobh var òg den siste hamna der RMS «Titanic» låg til.

Den vestlege delen av Cork er eit populært turistmål. Området har ei rekkje små landsbyar og øyar, inkludert Sherkin Island, Clear Island og Dursey Island. Mizen Head er det mest sørvestlege punktet på Irland.

I 1601 vart slaget ved Kinsale utkjempa i Cork. Dette slaget var det siste store nederlaget for det gamle irske artistokratiet, og la vegen open for engelsk dominans.

Cork har to gaeltachtaí (irsktalende område): Múscraí i nord og Oileán Chléire, ei øy i vest.

Byar og landsbyar i County Cork

• Adrigole, Aghabullogue, Aghada, Allihies
• Ballincollig, Ballycotton, Ballylickey, Ballinhassig, Ballydehob, Ballygarvan, Baltimore, Bandon, Bantry, Barleycove, Blarney, Buttevant
• Carrigaline, Castletownbere, Castletownshend, Castlemartyr, Charleville, Clonakilty, Cloyne, Coachford, Cobh, Cork, Courtmacsherry, Crookhaven, Crosshaven
• Dunmanway, Doneraile
• Fermoy, Fountainstown
• Glandore, Glanmire, Glengarriff, Glounthaune, Goleen, Gougane Barra
• Kanturk, Kinsale
• Leap
• Macroom, Mallow, Midleton, Millstreet, Mitchelstown, Monkstown
• Newmarket
• Oysterhaven
• Ringaskiddy, Rosscarbery, Rylane
• Schull, Shanagarry, Skibbereen
• Timoleague
• Union Hall
• Youghal

Kjelder

1. «Corcaigh». Placenames Database of Ireland – logainm.ie. Henta 21. november 2024. 

• Denne artikkelen bygger på «County Cork» frå Wikipedia på engelsk, den 25. oktober 2007.

Bakgrunnsstoff

Commons har multimedium som gjeld: County Cork

• Offisiell nettstad