Чикаго (филм)

„Чикаго“
Филмскиот плакат
Режисер	Роб Маршал
Продуцент	Боб Вејнстејн Харви Вејнстејн Крег Зедан Мартин Ричардс
Сценарист	Маурин Ваткинс Боб Фоси Бил Кондон
Главни улоги	Рене Зелвегер Кетрин Зита-Џонс Ричард Гир Квин Латифа Џон Рејли Кристин Барански Тај Дигс Луси Лу
Музика	Дени Елфмен
Кинематографија	Дион Биби
Монтажа	Мартин Валш
Дистрибутер	„Miramax Films“
Премиера	27 декември 2002
Времетраење	113 минути
Земја	САД
Јазик	Англиски
Буџет	$45 милиони
Бруто заработка	$306.776.732[1]

Роберт Маршал

„Чикаго“ (англиски: Chicago) — американски филм (од жанрот мјузикл) од 2002 година, во режија на Роб Маршал (негов прв филм), а произведен од „Miramax Films“. Филмот првпат почнал да се прикажува на 27 декември 2002, во ограничен број на градови, а пошироко почнал да се прикажува на 24 јануари 2003. Филмот е адаптација на сатиричниот театарски мјузикл, истражува теми на гламурот и скандалот во Чикаго во ерата на џезот. Филмот е снимен според успешниот мјузикл на Боб Фоси, односно на театарската претстава на Морин Далас Воткинс од крајот на 1970-тите. Режисер и кореограф на филмот е Роб Маршал, а сценариото го напишал Бил Кондон. Главните улоги ги играат: Кетрин Зета-Џонс, Рене Зелвегер, Ричард Гир, Квин Латифа, Џон С. Рејли, Луси Лиу, Теј Дигс, Колм Феоре, Кристине Барански и Доминик Вест. За одбележување е тоа што сите глумци самостојно ги играат и пеат своите точки, иако некои од нив, како Рене Зелвегер, претходно немале никакво искуство во пеењето и танцувањето. Во 2003 година, филмот имал 12 номинации за „Оскар“, а освоил шест, вклучувајќи и „Оскар“ за најдобар филм.^[2] Овој филм е првиот мјузикл што ја добил наградата за најдобар филм по филмот „Оливер!“ во 1968 година.

Од лево кон десно: Настапите на Рене Зелвегер, Кетрин Зета-Џонс и Квин Латифа беа широко пофалени од критичарите; Зелвегер беше номиниран за Награда за академија за најдобра актерка додека Зета-Џонс и Латифа беа номинирани за Најдобра споредна женска улога , со победа на Зета-Џонс.

Приказна

Дејствието на филмот се одвива во Чикаго, околу 1920 година. Наивната Рокси Харт (Рене Зелвегер) оди во посета на ноќен клуб каде настапува Велма Кели (Кетрин Зета-Џоунс), во надеж дека нејзиното момче Фред Кејсли (го игра Вест) ќе ѝ најде ангажман како ѕвезда во водвиљот „Сиот тој џез“. По настапот, Велма е уапсена за убиство на нејзиниот неверен сопруг, кој водел љубов со нејзината сестра Вероника. Рокси, пак, го изневерува својот сопруг Ејмос (го игра Рејли) со шармантниот Фред, но кога ќе открие дека тој нема да ѝ помогне да влезе во шоу-бизнисот, во момент на бес таа го убива и се обидува дека го намести нејзиниот простодушен сопруг Ејмос. Во затворот, Рокси ја запознава убавата и цинична Велма, а откако дознава дека неа ја брани познатиот адвокат Били Флин (го игра Гир), Рокси го наговара Ејмос да собере доволно пари и да го ангажира Флин и како нејзин бранител. Така, двете девојки го привлекуваат вниманието на медиумите, но освен за насловните страници на весниците, тие се борат и за наклоноста на Били Флин, а тоа ги прави големи непријатели. И покрај ова, полицијата не наседнува и Рокси е уапсена и испратена во затворот на округот Кук.^[2][3][4]

Наводи

1. „Top Grossing Movies That Never Hit #1 at the Box Office“. Box Office Mojo. Посетено на July 18, 2010.
2. HRT, A Oscara dobiva...: Chicago, američki film (пристапено на 24.4.2021)
3. Антена, број 841, 8.8.2014, стр. 26.
4. Антена, број 869, 20.2.2015, стр. 20.

Надворешни врски

„Чикаго“ на Ризницата ^?

Викицитат има збирка цитати поврзани со:

Чикаго (филм)

• Чикаго на Семрежната филмска база на податоци (англиски)
• Чикаго на филмската база TCM
• Чикаго на Box Office Mojo

|group11 = 2020-ти |list11 = Земја на номадите (2020) • CODA (2021) • Сè насекаде одеднаш (2022) }} </noinclude>