Милионер од гетото (филм)

„Милионер од гетото Slumdog Millionaire“
Официјален постер
Режисер	Дени Бојл
Продуцент	Кристијан Колсон
Сценарист	Викас Суарпур (роман)
Главни улоги	Дев Пател Фрида Пинто Анил Капур Ирфан Кан
Жанр	драма
Музика	А.Р. Раман
Дистрибутер	Fox Searchlight Pictures
Премиера	26 декември 2008
Времетраење	120 мин.
Земја	Обединето Кралство
Јазик	англиски
Буџет	15 мил. долари
Бруто заработка	$377,417,293

Милионер од гетото (англиски: Slumdog Millionaire) е англиски филм од 2008 година, од жанрот драма, во режија на Дени Бојл и Лавлин Тандан. Филмот е адаптација на наградениот роман на индискиот автор и дипломат Викас Суарпур.^[1] Дејството на филмот е сместено во Индија и ја раскажува приказната за еден учесник на индиската верзија на квизот „Кој сака да биде милионер“.

Откако бил прикажан на различни фестивали, и на филмскиот фестивал во Торонто, филмот „Милионер од гетото“ ја имал својата ограничена премиера во САД на 12 ноември 2008 година, во продукција на Fox Searchlight Pictures и на Warner Bros.^[2] Филмот добил значително многу позитивни критики, по што следувала неговата премиера низ цел свет.^[3] Филмот бил номиниран и добитник на многу филмски награди, како што се: наградата „Златен глобус“ и наградата на БАФТА, во категоријата најдобар филм, а исто така бил номиниран во десет категории на доделувањето на Оскари во 2009 при што победил во осум од нив.

Синопсис

Во центарот на приказната е осумнаесетгодишниот Џамал Малик (го игра Дев Пател), сираче од улиците на Мумбај, кој се пријавува на квизот „Кој сака да биде милионер“, со цел да ѝ ја докаже својата љубов на девојката Латика (ја игра Фрида Пинто), при што го остварува најголемиот успех во својот живот. Во мигот кога целата нација го гледа неговиот настап, тој е дојден до прашањето што може да му донесе награда од 20 милиони рупии во индиското издание на квизот „Кој сака да биде милионер“. Но, откако ќе се изгаснат камерите, полицијата го апси и го обвинува дека мамел. Едноставно, никој не верува како може дете од улицата да има толкаво знаење. Решен да докаже дека не е виновен, Џамал ја раскажува својата животна приказна, притоа откривајќи како успеал да одговори на поставените прашања.
Малик и брат му Салим живеат во тешка сиромаштија, препуштени на улицата. Еден ден, за време на верските борби меѓу Хиндусите и Муслиманите, тие остануваат без мајка им, така што мора самите да се борат во животот, живеејќи на една депонија при што го запознаваат девојчето Латика. Меѓутоа, еден ден, локалниот криминалец Маман (го игра Анкур Викал) ги грабнува децата и ги носи во шумата, подготвувајќи ги за питачи. Малик и Салим успеваат да избегаат, но криминалците ја фаќаат Латика, која подоцна станува улична танчерка. Потоа, браќата заработуваат за живот служејќи се со ситни кражби и измами, но Малик не престанува да мисли на Латика. Конечно, тие ја пронаоѓаат Латика и ја ослободуваат при што Салим го убива Маман, а потоа станува дел до бандата на криминалецот Џавед (го игра Махеш Манџрекар). Малик се вработува во фирма за мобилна телефонија, а Латика станува заробеничка на Џавед. Малик повторно воспоставува контакт со Салим (го игра Мадур Митал), кој му овозможува да влезе во куќата на Џавед, каде повторно ја среќава Латика. Латика се обидува да избега, но Салим ја враќа кај Џавед. Сепак, во мигот кога Малик стигнува до последните прашања и стануав славен низ целата земја, Салим ја ослободува Латика и го убива Џавед, но и него го убиваат. На крајот, Малик успева да ја освои главната награда и повторно се среќава со Латика.^[4]

Глумечка екипа

Глумци	Ликови
Дев Пател	Џамал Малик
Фрида Пинто	Латика
Анил Капур	Прем Кумар
Ирфан Кан	Полициски инспектор
Мадур Митал	Салим
Танај Чеда	Џамал Малик (помлад)

Награди и номинации

66. издание Златен Глобус

Најдобар драма филм - победник
Најдобар оригинален саундтрак – победник
Најдобро сценарио (Симон Буфо) – победник
Најдобар режисер во драма (Дени Бојл) - победник

81. издание Оскар

Најдобар филм - победник
Најдобар режисер (Дени Бојл) - победник
Најдобро адаптирано сценарио - победник
Најдобра кинематографија - победник
Најдобра монтажа- победник
Најдобар саундтрак - победник
Најдобра песна - победник
Најдобра звучна монтажа - номиниран
Најдобри миксани звуци - победник

Наводи

1. Tasha Robinson (26 November 2008). „Danny Boyle interview“. The A.V. Club. Архивирано од изворникот на 2008-12-02. Посетено на 24 May 2009.
2. „Slumdog Millionaire at the London Film Festival – review“. The Daily Telegraph. 31 October 2008. Посетено на 17 January 2012.
3. Shilpa Jamkhandikar (22 January 2009). „"Slumdog" premieres in India amid Oscar fanfare“. Reuters. Архивирано од изворникот на 2009-02-04. Посетено на 24 May 2009.
4. IMDb, Slumdog Millionaire (2008) (пристапено на 3.4.2017)

Надворешни врски

• Официјално мрежно место
• Семрежна филмска база на податоци
• Бокс Офис Мојо

|group11 = 2020-ти |list11 = Земја на номадите (2020) • CODA (2021) • Сè насекаде одеднаш (2022) }} </noinclude>