Malmîsanij û Îhsan Espar (Amed, 2024) Malmîsanij , Mehmet Tayfun anku Mehmet Malmisanlı [ 1] Pîranê ) rojnamevan û nivîskarê kurdê zaza ye. Ew bi zazakî , kurmancî û tirkî dinivîse.
Malmîsanij di sala 1952yan de li gundekî Amedê hatiye dinyayê. Wî xwendina xwe ya pêşîn û navîn li Kurdistanê û ya bilind (zanîngeh ) jî li Enqereyê qedandiye.
Malmîsanij di navbera salên 1975 û 1981ê de di zîndanên Tirkiyeyê ve bû. Di sala 1982yan de wî bar kir biyanistanê.
Malmîsanij li Zanîngeha Sorbonne (Parîs ) û Zanîngeha Uppsalayê (Swêd ) beşê zimanên îranî xwendiye. Paşî wî li Zanîngeha Linköpingê (Swêd) perwerdenasî xwend. Taliyê ew ji Zanîngeha Göteborgê (Swêd) bû master .
Malmîsanij herî zêde bi zazakî , kurmancî û tirkî dinivîse. Ew yekemîn kes bû ku piştî Ehmedê Xasî û Usman Efendiyê Babijî bi zazakî binivîse. Malmîsanijî û hin hevalên xwe di salên 1979 - 1980î de kovarek bi navê Tîrêj derdixist ku bi kurmancî û zazakî bû. Di sala 1987an de ferhenga Malmîsanij ya zazakî hat weşandin. Wî herwiha Mewlûda Ehmedê Xasî û Usman Efindiyê Babijî ji alfabeya erebî kir bi alfabeya latînî û ew herdu helbestvanên kurd dan nasîn.
Malmîsanijî ta niha di bi dehan rojname û kovarên kurdî de nivîsiye. Ew herwiha wek yek ji birêveberên van kovaran xebitiye: Tîrêj (Îzmîr ), Hêvî (Parîs), Armanc (Stokholm ), Çarçira (Stokholm), Wan (Stokholm), Çira (Stokholm).
Malmîsanij sala 2005an Xelata Pîremêrdî wergirt.
Niha Malmîsanij li Amedê dijî. Malmîsanij endamek Komeleya Nivîskarên Kurd e.
Ta niha gelek ji berhemên Malmîsanij li erebî , fransî , swêdî û tirkî hatine wergerandin .
Berhem
Ferhenga dimilkî û tirkî ya Malmîsanij Yüzyılımızın Başlarında Kürt Milliyetçiliği ve Dr. Abdullah Cevdet, Uppsala, 1986, 124 rûpel
Ferhengê Dimilkî-Tirkî, Uppsala, 1987; Stembol, 1992, 431 rûpel
Herakleîtos, Uppsala, 1988, 51 rûpel
Li Kurdistana Bakur û Li Tirkiyê Rojnamegeriya Kurdî (1908-1992), Ankara, 1992, 465 rûpel (Malmîsanij & Mahmûd Lewendî)
Folklorê Ma ra Çend Numûney, Uppsala, 1991; Stembol 2000, 319 rûpel
Said-i Nursi ve Kürt Sorunu, Stockholm, 1991; Stembol 1991
Abdurrahman Bedirhan Ve İlk Kürt Gazetesi Kürdistan sayı: 17 ve 18, Stockholm, 1992, 138 rûpel
Bitlisli Kemal Fevzi ve Kürt Örgütleri İçindeki Yeri, Stockholm, 1993; Stembol 1993
Cızira Botanlı Bedirhaniler ve Bedirhani Ailesi Derneği’nin Tutanakları, Stockholm, 1994; Stembol, 2000
Kırd, Kırmanc, Dımıli veya Zaza Kürtleri, Stembol, 1996, 88 rûpel
Ferhengekê Kirdkî-Pehlevkî-Kurmanckî, Stockholm, 1997, 38 rûpel
Kürt Teavün ve Terakki Cemiyeti ve Gazetesi, Stockholm, 1998; Stembol, 1999
Kurdiskt författarskap och kurdisk bokutgivning: bakgrund, villkor, betydelse, Stockholm, 1998, 64 rûpel
Gotibûn Ku.../Vate / 136 rûpel/2006
Ji Bo Rastnivîsînê Ferhenga Kurdî (Kurmancî) - Tirkî (2012)
Kurmancca ile Karşılaştırmalı Kırmancca (Zazaca) Dilbilgisi, Vate, Stembol 2015, 302 rûpel
Ji Bo Rastnivîsînê Ferhenga Kurdî (Kurmancî) - Tirkî ya Nû (2018)
^ Mehmet Malmisanlı, "Osmanlı Döneminde Yazılmış Kürtçe Eserler Üzerine I-II", Tarih ve Toplum
Sedsala 9 û 10an Sedsala 11an Sedsala 14 û 15an Sedsala 16 û 17an Sedsala 18an Sedsala 19an Sedsala 20 û 21î
Navneteweyî Neteweyî Yên din
