Солтүстік Корея Ұлттық футбол құрама командасы — Халықаралық футбол жарыстарында Корей Халық Демократиялық Республикасының атынан сынға түсетін футбол құрамасы. Басқарушы орган — КХДР футбол қауымдастығы. Төрт рет Азия чемпионатына, екі рет Әлем чемпионатына қатысқан.
Тарихы
Алғашқы кездесуін 1956 жылы өткізген. 1966 жылы тұңғыш рет Әлем чемпионатына қатысып, КСРО, Чили, Италия құрамаларымен бір топқа түсті. Әуелі КСРО-дан 0:3 есебімен ойсырай ұтылды да, келесі турда 1:1 есебімен Чилимен тең түсті. Соңғы турда сенсация жасап, Италияны ұтып кетті — 1:0
Ширек финалда Португалия құрамасымен кездесті. Ойынның 23-минутында корейлер күтпеген жерде 3:0 есебімен алда тұрды. Бірақ дереу есін жиған Эйсебио бастаған пиренейліктер соңында 5:3 есебімен жеңіске жетті.
Әлем чемпионатына арада 44 жыл өткен соң ғана қатыса алды. Бұл жолы нағыз өлім тобына тап келді — Бразилия, Португалия, Кот-Д'Ивуар. Үш ойынның үшеуінде де ұтылып, соңғы орында қалды. Айта кету керек, Бразилиямен ойында 55-минутқа дейін өз қақпаларын аман сақтап тұрған еді.
Азия кубогына 5 рет қатысты (1980, 1992, 2011, 2015, 2019). Жоғары нәтидесі - 4 орын (1980)
Стадионы
Әлем чемпионаттарындағы мергендер
Азия чемпионаттарында
Азия чемпионатына төрт рет қатысқан. Жоғары көрсеткіші 4-орын (1980)
Дереккөздер
