Хорватия Ұлттық футбол құрама командасы — Халықаралық футбол жарыстарында Хорватия мемлекетінің атынан сынға түсетін ұлттық футбол құрама командасы. Құрама 1990 жылы құрылды, 1992 жылдан бастап ФИФА және УЕФА мүшесі. Оған дейін Хорватияның қазіргі территориясында туған футболшылар Югославияның атынан сынға түсіп келді. 1998 жылғы әлем чемпионатының қола жүлдегері.
Тарихы
Жалпы алғанда, Хорватияда футбол ХХ ғасырдың басында-ақ пайда болған. Югославия сапында да жарқыраған хорваттық футболшылар көп, мәселен, 1962 жылғы әлем чемпионатында үздік мерген атанған бірнеше футболшының бірі Дражан Йеркович хорват болатын. Ал, Тәуелсіздік алар тұста танымал футболшыға айналған Роберт Просинечки ӘЧ-да екі түрлі құрамада (1990 — Югославия сапында,1998 — Хорватия сапында) ойнап гол соққан тарихтағы жалғыз футболшы.
Алғашқы ірі турнирге 1996 жылы қатысып, ширек финалда Германиядан ұтылып қалды. Бірақ 1998 жылғы ӘЧ-да немістерден есе қайырып, оларды ширек финалда 3:0 есебімен ойсыратты. Жартылай финалда француздарға есе жіберген хорваттар үшінші орын үшін болған матчта Нидерланд құрамасын ұтып, қола жүлдені иеленді. Тағы бір жетістік — шабуылшы Давор Шуке 6 гол соғып, чемпионат сұрмергені атанды.
ӘЧ-2002, ЕУРО-2004, ӘЧ-2006 турнирлерінде құрама топтық турнирден аса алмады. Тек 2008 жылғы ЕУРО-да Германия, Аустрия, Польша құрамаларын ұтып, топтық турнирде мүмкін болған тоғыз ұпайды түгел жинады. Бірақ ширек финалда Түркиядан пенальти тебісу арқылы ұтылып қалды. ЕУРО-2012, ӘЧ-2014 турнирлерінде де топтан оза алмады. Ал ЕУРО-2016 чемпионатында 1/8 финалда болашақ чемпион Португалиядан 0:1 есебімен жеңілді.
Ең жарқыраған турнирі — 2018 жылғы әлем чемпионаты болды. Топтық кезеңде Аргентинаның өзін 3:0 есебімен ұтты. Ал 1/8, 1/4, жартылай финалдарда тек пенальтилер арқылы қарсыластарынан басым түсті, осы ауыр ойындарда шаршады ма, финалда Францияға қарсылық көрсете алмай, 2:4 есебімен ұтылып қалды.
Құрамы
ӘЧ-2018 турниріндегі
Бапкерлер
- Дражан Еркович, 1990—1991
- Станко Поклепович, 1992
- Влатко Маркович, 1993
- Мирослав Блажевич, 1994—2000
- Мирко Йозич, 2000—2002
- Отто Барич, 2002—2004
- Златко Краньчар, 2004—2006
- Славен Билич, 2006—2012
- Игор Штимац, 2012—2013
- Нико Ковач, 2013—2015
- Анте Чачич, 2015—2017
- Златко Далич, 2017—қазірге дейін
Мергендер
* Құрамада қазір де ойнап жүргендер жуан мәтінмен жазылды.
Әлем чемпионаттарында гол соққан футболшылары
Форма
Негізгі формасы
Сақтық формасы
Сілтемелер
   |
|---|
| | Қазіргі құрамалар | |
|---|
| | Бұрынғы құрамалар | |
|---|
|
