Футболдан Люксембург Ұлттық құрамасы (люксемб. -{Lëtzebuergesch Foussballnationalequipe}-, фр. Équipe du Luxembourg de football, нем. Luxemburgische Fußballnationalmannschaft) — Футболдан халықаралық матчтарда өнер көрсетіп жүрген Люксембург құрамасы.
Еуропадағы аутсайдер құрамалардың бірі. 2018 жылы қараша айында ФИФА рейтингінде 86-орынға жайғасты[1].
Тарихы
Алғашқы ойынын 1911 жылы 29 қазан күні Францияға қарсы өткізіп, 1:4 есебімен жеңіліп қалды. 1934 жылы алғаш рет әлем чемпионатының іріктеуіне қатысты. бірақ екі ойында да жеңіліп қалды.
Ешқашан әлем және Еуропа чемпионаттарына қатысқан емес. Бірақ сенсация жасаған матчтары жетерлік: мәселен, 1962 жылғы әлем чемпионатының іріктеуінде Португалияның өзін 4:2 есебімен ұтып кетті. Ал 1964 жылғы Еуропа чемпионатының іріктеуінде Нидерландыны қапы қалдырды! Келесі сатыда Дания футболшылары бұларды үш ойын өткізіп барып әрең ұтты — 1:1, 3:3, 0:1.
1996 жылғы Еуропа чемпионатының іріктеуінде 10 ұпай жинады. Турнир барысында Еуропаның болашақ күміс жүлдегерлері Чехияның өзі тізе бүкті.
Танымал ойыншылары
- Нико Браун — 40 (9)
- Жефф Штрассер — 98 (7)
- Ги Эллер — 55 (2)
- Лион Март — 24 (16)
- Виктор Нюренберг — 19 (5)
- Карло Вайс
- Мануэль Кардони — 68 (5)
- Поль Кох
- Луи Пило — 49 (7)
- Джон ван Рейсвейк
- Орельен Йоахим — 47 (6)
Дереккөздер
Сiлтемелер
   |
|---|
| | Қазіргі құрамалар | |
|---|
| | Бұрынғы құрамалар | |
|---|
|
