ფარცხანაყანევი

სოფელი
ფარცხანაყანევი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	წყალტუბოს მუნიციპალიტეტი
კოორდინატები	42°12′32″ ჩ. გ. 42°33′02″ ა. გ.
დაარსდა	ძველი წელთაღრიცხვით I ათასწლეული
პირველი ხსენება	XIII საუკუნე
ადრეული სახელები	ფარსმანაყანევი
ცენტრის სიმაღლე	70 მ
ოფიციალური ენა	ქართული ენა
მოსახლეობა	5090[1] კაცი (2014)
ეროვნული შემადგენლობა	ქართველები 99,7 %
სასაათო სარტყელი	UTC+4
სატელეფონო კოდი	+995
საქართველო იმერეთის მხარე

ფარცხანაყანევი — სოფელი საქართველოში, წყალტუბოს მუნიციპალიტეტში. სოფელში დგას შუა საუკუნეების ეკლესია.

გეოგრაფია

მდებარეობს იმერეთის დაბლობზე. ზღვის დონიდან 70 მეტრი, წყალტუბოდან 15 კილომეტრი. სოფელში გადის რკინიგზის ხაშური-სამტრედიის მონაკვეთი და სამტრედია-ქუთაისის საავტომობილო მაგისტრალი. სოფელში მოიპოვება თიხა.

ისტორია

წყაროებში პირველად მოიხსენიება XIII საუკუნეში ფარსმანაყანევის სახელწოდებით. სოფლის ტერიტორიაზე ჩატარებული არქეოლოგიური სამუშაოები ადასტურებენ, რომ იგი უძველესი დროიდანაა დასახლებული. სოფელში მდებარეობს ძველი წელთაღრიხვის I ათასწლეულით დათარიღებული ფარცხანაყანევის სამაროვანი და აღმოჩენილია განძი. ძვ.წ. VI-II საუკუნეებში აქ კოლხებს ჰქონდათ დიდი ციხე–ქალაქი ფარსმანევი, რომელიც ძვ.წ. 64 წელს რომაელებმა აიღეს და დაანგრიეს. მისი ამჟამინდელი სახელიც ამ უძველესი სახელწოდებიდან მომდინარეობს. 1926 წლისთვის მისი მოსახლეობა შეადგენდა 5600 ადამიანს, ხოლო ფართობი 45,7 კმ²-ს.^[2]

დემოგრაფია

აღწერის წელი	მოსახლეობა
1926	5600
2002	5729
2014	5090

ცნობილი ადამიანები

სოფელში დაიბადა აკადემიკოსი შალვა ნუცუბიძე. აქვე მდებარეობს მისი სახლ-მუზეუმი.

იხილეთ აგრეთვე

• ფარცხანაყანევის სამაროვანი
• ფარცხანაყანევის განძი

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 235.

სქოლიო

1. მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
2. ქუთაისის მაზრის ადმინისტრაციული რუკა^{[მკვდარი ბმული]} საქართველოს ეროვნული არქივი