Matamá, Vigo

Para outras páxinas con títulos homónimos véxase: Matamá.

Matamá
Petróglifos de Redondelos.
Concello	Vigo[1]
Provincia	Pontevedra
Coordenadas	42°12′01″N 8°44′22″O
Poboación	3.659 hab. (2022)
Entidades de poboación	42[1]
[ editar datos en Wikidata ]

San Pedro de Matamá é unha parroquia do concello de Vigo. Segundo o IGE,^[2] en 2022 tiña 3.659 habitantes (1.757 homes e 1.902 mulleres). Limita coas parroquias de Beade, Castrelos, Coia, Comesaña e Valadares e pertence ó arciprestado de Vigo-Santo André. Ten 42 entidades de poboación.

Toponimia

O topónimo Matamá é un fitónimo derivado de MATTA (de orixe prerromana) MALA (de orixe latina), referido a un terreo de pouca calidade ou difícil de traballar.^[3]

Xentilicio

O seu xentilicio é matamanexo^[4].

Patrimonio

Igrexa parroquial.

Conta cun importante patrimonio arqueolóxico con restos da Idade de Bronce. Posúe mostras de arte rupestre no Monte Fabal, no barrio de Mó, en Gáspara, nas Tomadas e nos Sobreiros. Ademais, Matamá posúe dous poboados castrexos.

A igrexa parroquial de San Pedro é de estilo neoclásico e foi construída a finais do século XVIII. Na zona abundan as fontes e os lavadoiros e, nos barrios de Balsa e das Carneiras, hai varios muíños de auga. O cemiterio alberga o único cruceiro de Matamá, construído no 1691.

Na Zona Franca está situada a fábrica de PSA-Citroën.

Lugares e parroquias

Lugares de Matamá

Lugares da parroquia de Matamá no concello de Vigo na Provincia de Pontevedra

Balsa | Balvís | A Barxa | Beirán | Budiño | Campos | A Carapucha | Carballo | As Carneiras | A Carpinteira | O Castro | O Cocho de San Pedro | Coto do Mouro | A Devesa | O Fabal | Fontela | A Igrexa | A Lagarella | A Lameira | Loureiro | Maruxento | Mina das Carneiras | A Mó | O Outeiro | Parada | O Pazo | Pereiró | Raxó | A Revolta | Ribás | Ribelas | O Roupeiro | Sabarís | Salgueiral | San Amaro | Souteliño | Suolvido | As Veigas | A Veiguiña | Vilar | A Xesteira | Xuncal

Parroquias de Vigo

Galicia | Provincia de Pontevedra | Parroquias de Vigo

Alcabre (Santa Baia) | Beade (Santo Estevo) | Bembrive (Santiago) | Bouzas (San Miguel) | Cabral (Santa Mariña) | Candeán (San Cristovo) | Castrelos (Santa María) | Cíes | Coia (San Martiño) | Santo André de Comesaña (Santo André) | Coruxo (San Salvador) | A Florida (Santo Antonio) | Freixeiro (San Tomé) | Lavadores (Santa Cristina) | Matamá (San Pedro) | Navia (San Paio) | Oia (San Miguel) | Saiáns (San Xurxo) | San Paio (San Paio de Fóra) | Sárdoma (San Pedro) | Teis (San Salvador) | Valadares (Santo André) | Vigo | Zamáns (San Mamede)

Notas

1. Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
2. IGE (ed.). "IGE - Nomenclátor estatístico de Galicia" (en galego). Consultado o 26 de febreiro de 2023. 
3. Navaza Blanco, Gonzalo (2006). Fitotoponimia galega (PDF). A Coruña: Fundación Barrié. p. 334. ISBN 84-95892-53-7. 
4. "Xentilicios_0.pdf" (PDF). p. 28. Consultado o 22 de xullo de 2021. 

Véxase tamén

Wikimedia Commons ten máis contidos multimedia na categoría:  Matamá, Vigo

Bibliografía

• Mosquera, Javier; Cameselle, Gillermo (1995). Vigo a través de sus barrios (en castelán). Faro de Vigo. ISBN 84-87657-90-7. 
• Mosquera, Javier; Franco, Fernando (2002). Guía cidadá de Vigo y su área metropolitana (en castelán). Fundación Caixa Galicia, Faro de Vigo. pp. 305–320. 

Outros artigos

• Lugares de Vigo