Dantzaria zen. Perón ezagutu ondoren, haren idazkari egin zen, eta Madrila erbesteratu ziren elkarrekin. Hiri horretan ezkondu ziren 1961ean. 1973an, Perónek lehendakaritza berreskuratu zuenean, errepublikako presidenteorde izendatu zuen emaztea. Urtebete geroago, senarra hil zenean, Argentinako presidente bihurtu zen Isabel, errepublika krisi sakon batean zegoenean, hain zuzen. Jorge Rafael Videla buruzagi zuen junta militarrak eraitsi zuen kargutik 1976an.
