1947an inauguratu zen, ordutik aurrera Zazpikaleak eta Begoña auzoko Etxebarria parkearen arteko malda ekidin eta biak elkarlotzeko zerbitzua eskainiz. Rafael Fontán arkitektoak diseinatu eta eraiki zuen.
2014kouztailaren 8ko gaueko 23:00etan behin betiko funtzionatzetik laga zuen,[1] zerbitzuak bertan behera geldituz. Nahiz eta Ascensores de Begoña S.A. enpresa kontzetsionariak oraindik igogailua ustiatzeko 30 urteko kontratua izan, Eusko Jaurlaritzari kontratua bertan behera lagatzeko eskatu zion, azken urteetan enpresaren esanetan bezero edo erabiltzaileen kopuruak nabarmenki behera egin baitzuen.
Bilboko Udala nahiz udal batzordeko alderdi guztiak (EAJ, Bildu, PSE eta PP) igogailua mantentzearen alde agertu ziren.
Begoña auzoko auzotarrek beren aldetik, Begoñako igogailua martxan jarrai dezala eta zerbitzu publikoa eta dohakoa izan zedila eskatu zuten. Eusko Jaurlaritzak konponbideak topatzen lanean dabilela eta itxi aurretik neurriak hartuko zituela iragarri zuen.[1]
