Чача — моцны спіртовы напой, атрымоўваюць метадам дысцыляцыі з вінаграду і вінаградных рэшткаў пасля адціскання ў працэсе вырабу віна ў Грузіі, Абхазіі, Аджарыі. Існуе хатняя (саматужныя), так і прамысловая вытворчасць чачы. Чача з вінаграду адносіцца да брэндзі.
Асноўная сыравіна — вінаград і рэшткі адціскання сартоў Ркацытэлі, Ізабела і Качыч. Перагонка — двайная, радзей — аднаразовая. Атрыманы вінаградны спірт з мацункам ад 70 да 80 % разводзяць вадой (у хатніх умовах могуць і не разводзіць) і разліваюць у бутэлькі. Некаторыя гатункі вытрымліваюць ў дубовых бочках.
