| Викибирелмәләрнең буш элементы |
Кәрәкәшле туган як тарихын өйрәнү музее, С. Ш. Шәрәфиева исемендәге Кәрәкәшле туган як тарихын өйрәнү музее (рус. Каракашлинский краеведческий музей имени С. Ш. Шарафиевой) — Татарстанның Ютазы районы Кәрәкәшле авылында урнашкан муниципаль мәдәният учреждениесе (музей). 1993-2007 елларда — ТР Дәүләт музее филиалы. Кәрәкәшле тарихы, авылның күренекле кешеләре белән таныштыра.
Тарих
1985 елда нигезләнгән[1].
1987 елның 2 ноябрендә Кәрәкәшле мәктәбе бинасында 70 экспонат белән ачыла[2].
1993-2007 елларда ТР Дәүләт музее (хәзерге ТР милли музее) филиалы булып тора.
2008 елның 1 гыйнварыннан — Ютазы районы мәдәният бүлеге бүлекчәсе, 2010 елдан — муниципаль учреждение.
2009 елда музейга аңа нигез салучы Сәлимә Шәмсетдин кызы Шәрәфиева исеме бирелә.
Тасвирлама
Экспонатлар саны 15 меңнән артык (төп фондта 9 мең, фәнни-ярдәмче фондта 6 мең). Күргәзмәләрдә нумизматика, язма чыганаклар, матди чыганаклар, рәсем сәнгате тупланмалары урын алган.
Төп бүлекләре
- Борынгы Кәрәкәшле
- Күмәкләштерү еллары
- Авылның күренекле кешеләре
Экскурсияләр
- Музей заллары буйлап (күзәтү экскурсиясе)
- Кәрәкәшленең күренекле кешеләре
- Хезмәт һәм көнкүреш кораллары. XIX–XX гасырдагы эш кораллары — кул тегермәне, тимерче мехы, ярма яргыч, чабагач, сука, май язгыч һ. б. — күрсәтелә. Аерым күргәзмә татар хатын-кызының көнкүреше һәм шөгыльләренә багышланган.
- Авыл 1941-1945 елгы Бөек Ватан сугышында. Солдат каскасы, фляжкасы, котелогы, калагы һәм сугыш кырыннан кайткан башка экспонатлар күрсәтелә.
Сылтамалар
Искәрмәләр
