Саба урман хуҗалыгы тарихы музее

Викибирелмәләрнең буш элементы

Саба урман хуҗалыгы тарихы музее
Нигезләү датасы	2004
Урын	422062 ТР, Саба районы, Лесхоз, Кукмара ур., 14
Директор	Рузия Равил кызы Газизуллина[1]
Сайт	Музей турында мәгълүмат

Саба урман хуҗалыгы тарихы музее (рус. Музей истории Сабинского лесного хозяйства) — Татарстанның Саба районы Лесхоз бистәсендә урнашкан муниципаль мәдәният оешмасы (музей). Саба районы үзәкләштерелгән туган як музее филиалы. Саба урман хуҗалыгы (элекке Саба урман сәнәгате хуҗалыгы) тарихы белән таныштыра.

Тышкы рәсемнәр
	Музейдан фотосурәтләр.

Тарих

2003 елда Саба урман хуҗалыгында хезмәт куйган ветераннар башлангычы белән нигез салына.

2004 елның 24 мартында ачыла^[2].

Музей бинасы

Төп мәкалә: Ломакин йорты тарихы

Музей бинасы — 1874 елгы архитектура һәйкәле, Өченче урманчылык урманчысы Митрофан Николай улы Ломакин йорты^[3]. Ике катлы агач бинага Саба урман хуҗалыгы акчасына 2003 елда сакланып калган фоторәсемнәр һәм сызымнар буенча реконструкция уздырылган. Экспозицияне ТР милли музее белгечләре төзегән.

Тасвирлама

Районның алты урманчылыгын берләштергән иң эре сәнәгать оешмасы тарихы буенча материаллар тупланган. Хуҗалыкның урман массивы Татарстанның 8 районы территориясендә 57 000 га җир били.

Музей экспозициясенең төп бүлекләре:

• Саба урман хуҗалыгы үсеше тарихы
• Саба урман хуҗалыгы хайваннар дөньясы
• Картиналар (портретлар) галереясы

Музей фондында 859 саклау берәмлеге экспонат тупланган. Гомуми мәйданы 965 кв. м. (шуның эченнән 286 кв. м. — музей мәйданы, калган 679 кв. м. — чәчәк бакчасы).

Күргәзмәнең бер бүлеге РСФСР һәм ТАССР атказанган урманчысы, Саба леспромхозының 30 елга якын җитәкчесе булып торган Нургали Миңнехан улы Миңнехановка багышланган^[4].

Лесхоз бистәсендә урнашкан сувенирлар цехына, Н. М. Миңнеханов исемендәге дендрология бакчасына, боз мәйданчыгы булган «Нарат» спорт комплексына, картодромга сәяхәт кылырга мөмкин.

Сылтамалар

• «Саба үзәкләштерелгән туган якны өйрәнү музее» муниципаль бюджет оешмасының Саба урман хуҗалыгы тарихы музей-филиалы 2019 елның 9 июнь көнендә архивланган.

Искәрмәләр

1. Рузия Равил кызы Газизуллина. Депутат кабинеты(рус.)
2. В Сабинском районе открылся музей истории лесного хозяйства 2019 елның 9 июнь көнендә архивланган.. Первый лесопромышленный портал, 25.0.2004(рус.)
3. Дом Ломакина
4. Ольга Иванычева. Сабы - лесной заповедный край. «Казанские ведомости», 18.01.2018(рус.)