பிராடிகைனின் (Bradykinin) என்பது குருதிக்குழல்களை விரிவடையச் செய்து இரத்த அழுத்தத்தைக் குறைக்கும் தன்மைக் கொண்ட ஒரு புரதக்கூறாகும். இரத்த அழுத்தத்தைக் குறைக்க உபயோகிக்கப்படும் குருதிக் குழாய்ச் சுருக்கி-மாற்று நொதி தடுப்பி வகை மருந்துகள் (ACE inhibitors) பிராடிகைனின் சிதைவதைத் தடுப்பதின் மூலமாக இதன் அளவை அதிகரித்து மேலும் இரத்த அழுத்தத்தைக் குறைக்கின்றன. பிராடிகைனின், புரோசுடாசைக்கிளின், நைட்ரிக் ஆக்சைடு, அகச்சீதப் படல மிகுமுனைவாக்கக் காரணி (Endothelium-Derived Hyperpolarizing Factor) ஆகியவற்றை வெளியிடுவதன் மூலமாக குருதிக்குழல்கள் மீது செயலாற்றுகின்றது. உடலியக்க, மருந்தியல்சார் செயற்பாடுகளைக் கொண்ட ஒன்பது அமினோ அமில புரதக்கூறான பிராடிகைனின் "கைனின்" தொகுதிப் புரதங்களைச் சேர்ந்ததாகும்.
பிராடிகைனினை 7-8, 1-2, 8-9 இடங்களில் மூன்று கைனினேசு நொதியங்கள்; இரத்தக் குழாய்ச் சுருக்கி-மாற்றும் நொதி (ACE), அமினோ புரதையூக்கி-பி (APP), கார்பாக்சி புரதையூக்கி-என் (CPN) பிளவுபடுத்துகின்றன[1][2].
மேற்கோள்கள்
↑Dendorfer A, Wolfrum S, Wagemann M, Qadri F, Dominiak P (May 2001). "Pathways of bradykinin degradation in blood and plasma of normotensive and hypertensive rats". Am. J. Physiol. Heart Circ. Physiol.280 (5): H2182–8. பப்மெட்:11299220.
↑Kuoppala A, Lindstedt KA, Saarinen J, Kovanen PT, Kokkonen JO (April 2000). "Inactivation of bradykinin by angiotensin-converting enzyme and by carboxypeptidase N in human plasma". Am. J. Physiol. Heart Circ. Physiol.278 (4): H1069–74. பப்மெட்:10749699.
