Eerst in dat 19. Johrhunnert hett sik dat bilütten dörsett, dat separate Karkhööv inricht worrn sünd, de nich mehr dicht bi de Kark weren. Dat is denn ok begäng worrn, dat ok veel von de lüttjeren Dörper, de keen egen Kark harrn, sik en Karkhoff anleggt hebbt.
De Karkhoff is 1872 anleggt worrn. Vörher sünd de Lüüd in Beverst begraven worrn. Dat Good Wellen hett sien egen Karkhoff, de blots för de Familie von der Hellen dor is, de op dat Good leevt.
De Karkhoff Berensch-Arensch is 1932 anleggt worrn un is tostännig för de Dörper Berensch un Arensch, de to de Tied tohoop de Gemeen Berensch-Arensch billt hebbt. 1936 is denn ok en Kapell anleggt worrn. En Klock hett de Kapell 1946 kregen.
De Karkhoff Brockeswoold is de gröttste Karkhoff in Cuxhoben. Von 1913 af an hett dat Stimmen geven, de meent hebbt, dat Cuxhoben en Zentraalkarkhoff bruukt, de op de Geest liggen schull, dat de Doden in de Eer ok verwesen doot, wat in de Masch faken nich good geiht. De Stadt Cuxhoben hett denn an’n Süüdrand von’n Brockeswoold en Rebeed von 11 Hektar köfft. Dat Gelänn is von 1926 af an mit Sand un Schutt üm 1,5 bet 2,5 Meter opschüddt worrn, dat de Doden nich in Geschiebelehm liggen mööt. Tosätzlich is ok en Krematorium boot worrn. De Anlagen weren in’n November/Dezember 1931 all trech un de eerste Persoon is an’n 4. Dezember 1931 begraven worrn. 1970 is dat Gelänn na Westen hen vergröttert worrn.
De eerste Karkhoff in Franzenborg is 1848 op de Oostsied von’n Kapellenweg anleggt worrn. Vondaag warrt disse Deel nich mehr bruukt. De Karkhoff liggt nu op de Westsied von’n Kapellenweg. Disse Deel is 1950 anleggt worrn. De Kapell is 1954 boot. In’n Süden von de Kapell liggt de Gedenksteed för de Fullenen ut de twee Weltkrieg’.
De Karkhoff Godendörp is 1949 anleggt worrn. Vörher sünd de Lüüd in Olenwoold begraven worrn. He liggt en Stück in’n Süden von dat Dörp an’n Karkweg (K 14) hen na Köstersweg.
De Kapell is 1969 boot worrn. Op’n Karkhoff steiht ok en Gedenksteen för de Fullenen ut de twee Weltkrieg’.
Karkhoff Groden
Kriegerdenkmaal un Karkhoff in GrodenLuftbild von de Abundus-Kark Groden mit’n Karkhoff
De Karkhoff in Ox is 1921/1922 von de Buurn ut Ox anleggt worrn. Ok en Kapell un en Ehrenmaal för de Fullenen ut’n Eersten Weltkrieg hebbt se do boot. Vörher sünd de Lüüd ut Ox in Olenwoold begraven worrn. 1950 is de Karkhoff 2500 m² grötter worrn. Op dat Ehrenmaal sünd denn 1956 ok de Naams von de Fullenen ut’n Tweten Weltkrieg mit opnahmen worrn. Na 1968 hebbt se en gröttere Kapell anleggt un de ole afreten. 1977 is de Karkhoff nee herricht worrn. De Deel vörn is in de Oort von en Park anleggt worrn, dat Ehrenmaal hebbt se wegmaakt un hebbt en Ehrentafel an de Kapell ophungen. Disse ne’e Anlaag is an’n 13. November 1977 inwieht worrn.
Op’n Karkhoff von de Namenlosen op Neewark sünd de Waterlieken begraven worrn, de an de Elvmünn un Noordseeküst andreven worrn sünd un bi de nüms den Naam weten hett. Disse Karkhoff is al an’n 22. Juni 1319 wieht worrn. Den letzten Minsch hebbt se dor 1969 begraven. Sietdem is de Technik so wied, dat all Lieken identifizeert warrn köönt. Karkhööv mit de sülve Opgaav hett dat ok op Trischen un in Cuxhoben geven.
De Karkhoff liggt direkt achter’n Diek von de Butenwerser an de Steed von de fröhere Bartelmees-Kark von dat Kaspel Imßen. 1877 hett de Zionkark de Rull as Kaspeelskark övernahmen.
De Karkhoff is 1959 anleggt worrn un hett siet de Johren 1960 en egen Kapell un en Klockentoorn. Vörher sünd de Lüüd bi de Kark in Wolsbuddel begraven worrn.
Op’n Karkhoff in Mulsen is 1524 en Slacht twüschen Wuster Landsknechten un Truppen von’n Bremer Arzbischop fuchten worrn, de de Wusters verloren hebbt.
De eerste Karkhoff in Westersood is 1821 anleggt worrn. Vörher sünd de Lüüd bi de Kark in Loomst begraven worrn, de to de Tied noch för Westersood mit tostännig weer. De Karkhoff leeg an de Steed, an de vondaag dat Ehrenmaal för de Doden ut de Weltkrieg’ steiht. 1888 is de ne’e Karkhoff an de hüdige Steed anleggt worrn un na 1889 sünd op’n olen Karkhoff ok keen Lüüd mehr begraven worrn. Dat Ehrenmaal op’n olen Karkhoff hebbt se 1921 boot.[1]
De eerste Karkhoff in Doornsood is 1832 anleggt worrn. De ole Karkhoff is 1865 al wedder opgeven worrn un dorför is de hüdige Karkhoff anleggt worrn. De Karkhoff hett keen Kapell.
.jpg)
.ajb.jpg)
.Friedhofstor.R%C3%BCckseite.1.ajb.jpg)
