Hockmöhlen

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Loomst Gemeen: Loomst
Inwahners:	136 (2009-12-3131. Dezember 2009)
Postleettall:	21769
Vörwahl:	04773
Geograafsche Laag:	Koordinaten:53° 39′ N, 9° 8′ O53° 39′ N, 9° 8′ O
Laag von Hockmöhlen in de Gemeen Loomst (Koort lett sik anklicken)

Luftbild von’n Toonafbo von dat Ünnernehmen Fibo ExClay Düütschland bi’n Iserbrook in’n Westen von Hockmöhlen

Hockmöhlen (hoochdüütsch Hackemühlen) is en Dörp in de Gemeen Loomst in’n Landkreis Cuxhoben, Neddersassen.

De Hoff Iserbrook höört al von öllers bi Hockmöhlen mit bi.

Geografie

De Oort liggt op’n Rand von de Loomster Geest hen na dat Moor, dat sik hier in dat Siedland von de Masch langs de Oost billt hett. Dör Hockmöhlen flütt de Hockmöhlener Beek.

De Naveröörd sünd Wohlenbeek in’n Noorden, de Möhlenreeg in’n Noordoosten, Ihlbeek in’n Süüdoosten, Loomst in’n Süüdwesten un Iserbrook un Rahden in’n Westen.

Historie

In’n Eersten Weltkrieg sünd 14 Soldaten ut Hockmöhlen fullen oder vermisst un in’n Tweten 24^[1].

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Loomst in’n Kanton Loomst höört un denn von 1811 bet 1814 to dat Franzöösche Kaiserriek ünner Napoleon un dorto de Mairie Loomst in’n Kanton Bremervöör.

Vör 1859 weer Hockmöhlen in de Vaagdie Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat denn Deel von’n Landkreis Cuxhoben worrn.

Hockmöhlen weer fröher en egenstännige Gemeen un keem mit de Gemeenreform in Neddersassen to’n 1. Juli 1972 an de Gemeen Loomst.

Inwahnertall

Johr	Inwahners
1791-00-001791[2]	18 Füürsteden
1824-00-001824[3]	15 Füürsteden
1848-00-001848[4]	127 Lüüd, 21 Hüüs
1871-12-011. Dezember 1871[5]	156 Lüüd, 31 Hüüs
1885-12-011. Dezember 1885[6]	132 Lüüd, 30 Hüüs
1905-12-011. Dezember 1905[7]	145 Lüüd, 27 Hüüs
1910-12-011. Dezember 1910[8]	161
1925-00-001925[9]	173
1933-00-001933[9]	229
1939-00-001939[9]	237
2009-12-3131. Dezember 2009[10]	136

Religion

Hockmöhlen is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Dat Dörp deelt sik en Karkhoff mit Wohlenbeek. De Karkhoff Hockmöhlen/Wohlenbeek liggt twüschen de beiden Öörd an de B 495/den Kapellenweg. Op’n Karkhoff is ok en Kriegsgräversteed, de de russ’schen un poolschen Dwangsarbeiders un Kriegsfungenen gedenkt, de in’n Eersten un Tweten Weltkrieg ümkamen sünd.^[11]

Wapen

Dat Wapen von Hockmöhlen wiest baven op blauen Grund en sülvern Watermöhlenrad un ünnen op sülvern Grund en grönen Stubben mit Wuddeln.

Kultur

Bi’n Karkhoff steiht en Denkmaal för de Fullenen ut de twee Weltkrieg’.

Weertschop un Infrastruktur

Hockmöhlen hett welk Buurnhööv un en Kroog (Hockmöhlner Kroog an de Hauptstraat).

För Hockmöhlen is de freewillige Füürwehr Loomst mit tostännig.

Verkehr

An Hockmöhlen langs geiht de Bundsstraat 495, de in Noorden na Wohlenbeek un wieder na Basbeek/Warstood (Gemeen Hemmoor) an de B 73 un in Süden na Loomst un Bremervöör geiht. Lüttjere Straten gaht na Wohlenbeek un Ihlbeek.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 30 Kilometer in’n Süüdoosten von Hockmöhlen an de B 73. De Opfohrt 5 Debst op de Autobahn 27 (Afsnidd Cuxhoben–Bremerhoben) liggt 36 Kilometer in’n Westen.

De nächste Bahnhoff is so bi söss Kilometer wied weg in’n Noordoosten de Bahnhoff Hemmoor an de Nedderelvbahn von Cuxhoben na Hamborg.

Scholen

De Kinners vun Hockmöhlen gaht in Loomst na de Grundschool Loomst un de Oberschool Loomst. Op Gymnasium gaht se op dat Gymnasium Warstood.

Footnoten

1. http://www.denkmalprojekt.org/2008/lamstedt-hackemuehlen_wk1u2_ns.htm
2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 91
3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 232
4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 132
5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146
6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
8. Inwahnertallen op gemeindeverzeichnis.de
9. Inwahnertallen op verwaltungsgeschichte.de
10. http://boerde-lamstedt.der-norden.de/rathaus/zahlen.html
11. Karkhoff Hockmöhlen bi’n Volksbund

Weblenken

Hockmöhlen. Mehr Biller, Videos oder Audiodateien to’t Thema gifft dat bi Wikimedia Commons.