Kampen (hoochdüütsch Kampen) is en Dörp in de Gemenen Wannen un Lee (Samtgemeen Land Hadeln) in’n Landkreis Cuxhoben, Neddersassen.
De Deel von’n Oort, de to Wannen höört, warrt ok Oosterwanner Kampen nöömt, un de, de to de Lee höört, Kamperdeel.
Geografie
Kampen liggt in Land Hadeln an de Noordkant von de Oosterwanner Geestinsel. Dat Rebeed ümto in Masch un Moor. Dat Water ut dat Rebeed flütt af över de Welster. In’n Westen liggt dat Naturschuulrebeed Aßbütteler Moor.
De Naveröörd sünd de Lee in’n Noorden, Neenkarken in’n Noordoosten, Helmworth un de Wetternweg in’n Süüdoosten, Oosterwannen un Westerwannen in’n Süüdwesten un Heernkoop in’n Noordwesten.
Historie
Verwaltungsgeschicht
De Oort hett vör 1852 to dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
Wannen:
| Johr |
Inwahners
|
| 1871-12-011. Dezember 1871[1] |
46 Lüüd, 10 Hüüs
|
Lee:
| Johr |
Inwahners
|
| 1848-00-001848[2] |
380 Lüüd, 76 Hüüs
|
| 1871-12-011. Dezember 1871[3] |
322 Lüüd, 80 Hüüs
|
Religion
Kampen is evangeelsch-luthersch präägt. Kamperdeel höört to dat Kaspel von de Nicolai-Kark in de Lee un Oosterwanner Kampen to dat Kaspel von de Georg-Kark in Westerwannen.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Dör Kampen löppt de Landsstraat 118, de in’n Noordoosten över de Lee un Neenkarken na Oterndörp un an de Bundsstraat 73 geiht un in’n Süüdwesten över Wannen un Krümpel na Niewohl un Debst.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 3 Noordholt liggt so twölv Kilometer in’n Westen von Kampen an de K 14.
De nächste Bahnhoff is so bi acht Kilometer wied weg in’n Noordoosten de Bahnhoff Oterndörp an de Nedderelvbahn.
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
