Friðrik 10. eða Frederik André Henrik Christian, (fæddur í Kaupmannahöfn, 26. maí 1968) er núverandi konungur Danmerkur. Hann er frumburður Margrétar 2. Danadrottningar og Hinriks prins. Friðrik tók við dönsku krúnunni eftir afsögn móður sinnar þann 14. janúar árið 2024.
Friðrik giftist heitkonu sinni, Mary Elizabeth Donaldson, þann 14. maí 2004 í dómkirkjunni í Kaupmannahöfn. Krónprinsparið eignaðist soninn Kristján, þann 15. október 2005 og dótturina Ísabellu, 21. apríl 2007. Þau eignuðust svo tvíburana Vincent og Jósefínu, 8. janúar 2011.[1]
Friðrik er 214. í erfðaröðinni að bresku krúnunni þar sem hann er barna-barna-barna-barnabarn Viktoríu Bretadrottningar í gegnum móðurömmu sína, Ingiríði.
Friðrik varð konungur Danmerkur þann 14. janúar 2024 við afsögn móður sinnar.[2]