O calendario contou con dous cambios significativos; o primeiro foi o regreso do Gran Premio de México, que se celebrou por primeira vez desde 1992, mentres que o Gran Premio de Alemaña foi eliminado en última instancia, logo de non conseguir finanzación, deixando ao país sen unha proba do Campionato do Mundo por primeira vez en cincuenta e cinco anos.
A tempada 2015 viu a introdución do "Teito de Custos", unha serie de medidas de redución de custos negociados pola FIA en 2013.[3]
Hamilton conseguiu o seu terceiro campionato de pilotos a falta de tres carreiras para o fin da tempada. O subcampión foi o seu compañeiro de equipo Nico Rosberg, 59 puntos por detrás, con Sebastian Vettel de Ferrari terceiro, outros 44 puntos máis atrás. Mercedes asegurou o título de construtores de 2015 no Gran Premio de Rusia, por diante de Ferrari e Williams, e terminou a tempada cunha marca de 703 puntos. Hamilton gañou o Trofeo Pole da FIA, logo de lograr once poles na tempada e o Premio DHL á volta rápida. Ferrari gañou o primeiro Premio Pit Stop DHL.
Equipos e pilotos
Os seguintes equipos e pilotos participaron no Campionato Mundial de Fórmula 1 de 2015.
‡ – Will Stevens e Roberto Merhi foron incluídos na primeira rolda en Australia, pero aínda que tanto eles como Marussia estaban presentes, non competiron porque o equipo non puido completar os seus coches a tempo para a carreira.
Novos equipos
En decembro de 2013, a FIA anunciou a súa intención de abrir a grella a máis equipos, buscando o que denominou "equipos competitivos" dispostos a comprometerse co campionato ata a tempada 2020.[24] Recibíronse tres solicitudes, incluíndo unha oferta de Gene Haas, copropietario do equipo Stewart-Haas Racing da NASCARSprint Cup Series unha solicitude de Romanía,[25] en conxunto co exdirector de Jordan, Midland, Spyker, Force IndiaHRTColin Kolles,[26][27] e unha terceira de Zoran Stefanovic, un enxeñeiro aeroespacial serbio que xa o intentara na tempada 2010 e 2011 baixo o nome de Stefan GP.[28] O proceso de licitación atrasouse, a FIA só estaba buscando un equipo para agregar á grella, pero que o as dúas primeiras ofertas eran igualmente viables.[26]Haas F1 foi o candidato elixido,[29][30] pero Haas aprazou a súa participación ata a tempada 2016.[31]Bernie Ecclestone anunciou que o equipo romanés, chamado Forza Rossa Racing, fora aceptado,[32][33] pero o equipo non se incluíu na lista provisional de inscritos para a tempada 2015.[34]
Honda regresou á Fórmula Un como fornecedor de motores, proporcionando a McLaren un motor V6 e o paquete de Sistema de Recuperación de Enerxía, poñendo fin á asociación de 20 anos do equipo con Mercedes.[35] Honda xa fornecera previamente a McLaren desde a tempada 1988 ata 1992, cando Honda terminou o seu programa de fornecemento de motores. A compañía volveu ao deporte como fornecedor de motores na tempada 2000, forneceu a British American Racing e Jordan Grand Prix os motores ata que comprou o equipo BAR na tempada 2006 para competir como construtor, ata a tempada 2008. Ademais do contrato con McLaren, Honda anunciou a súa vontade de fornecer a outros equipos.
Lotus cambiou de fornecedor de motores, poñendo fin á súa asociación con Renault en favor dun acordo con Mercedes.[36] Isto puxo fin a unha participación de 20 anos de Renault co equipo con base en Enstone, logo de ser o provedor de motores para Benetton desde 1995, e sendo o dono do equipo de 2002 a 2010.
Logo do Gran Premio de Rusia de 2014, Marussia entrou en concurso de acredores, a falta das tres últimas carreiras da tempada 2014. O equipo apareceu brevemente na lista provisional de inscritos baixo o nome " Manor F1", pero en novembro de 2014, os administradores anunciaron que o equipo deixaba a competición e pechaba.[37] Pero o equipo salvouse da liquidación, en febreiro de 2015, cando asegurouse un novo investimento e o equipo deixou o concurso logo de alcanzar un acordo cos acredores.[38] O equipo volveu participar como Manor Marussia e rexistrado como un equipo británico, en lugar de ruso.
Os activos de Caterham F1 foron vendidos nunha poxa polos administradores durante as carreiras de apertura da tempada,[39][40][41] e non foron incluídos na lista de inscritos definitiva publicada para a carreira inaugural.
Fernando Alonso substituíu a Kevin Magnussen en McLaren, volvendo ao equipo despois de correr por última vez para eles en 2007.[42][43] Logo dun accidente durante as probas de pre tempada, Alonso non participou na carreira de apertura da tempada, o Gran Premio de Australia, Magnussen foi o seu substituto temporal.[44]
Sebastian Vettel deixou Red Bull Racing ao final da tempada 2014 logo de quince anos co equipo. Para unirse a Ferrari no lugar de Alonso.[45]Daniil Kvyat ascendeu a Red Bull desde Toro Rosso para ocupar o posto deixado vacante por Vettel.[46]
Manor Marussia contratou a expiloto de Caterham Will Stevens para pilotar a súa primeira tempada completa no deporte,[54] mentres que o expiloto de probas de Caterham Roberto Merhi asinou un acordo a curto prazo..[55] Os ex pilotos de Marussia Jules Bianchi, faleceu en Niza o 17 de xullo de 2015, como consecuencia das feridas provocadas polo accidente sufrido o 5 de outubro de 2014 durante a disputa do Gran Premio do Xapón sen haber despertado do coma.[56][57][58]Max Chilton pasou a competir no campionato Indy Lights,[59]
Kamui Kobayashi abandonou Caterham para competir na serie Fórmula Súper no Xapón antes de que os administradores do equipo venderan nunha poxa os activos do equipo.[60]
Cambios a metade de tempada
Alexander Rossi fixo a súa debut da Fórmula Un no Gran Premio de Singapur, en substitución de Roberto Merhi en Manor Marussia. Merhi volveu ao equipo para os grandes premios de Rusia e Abu Zabi, compartindo o coche con Rossi para o resto da tempada.[61]
Outros cambios
Seguindo as recomendacións do informe do accidente de Jules Bianchi no Gran Premio do Xapón de 2014, a hora de inicio de 5 carreiras adiantarase unha hora, xa que as carreiras téñense que iniciar como mínimo 4 horas antes do anoitecer. Polo tanto, os Grandes Premios de Australia, Malaisia, China, Xapón e Rusia comezarán unha hora antes que en 2014.[62]
Lista de carreiras planificadas
Os seguintes dezanove grandes premios están programados para levarse a cabo en 2015.[63]
O Gran Premio de Alemaña tiña que disputarse en Nürburgring, de conformidade co acordo de reparticición de carreiras que se estableceu entre o circuíto de Nürburgring e o de Hockenheimring en 2008.[64] Nürburgring acollera a carreira en 2013 polo que tocáballe acollela de novo en 2015, pero foi deixada fóra da axenda provisional,[65] deixando o acordo de repartición de carreiras nun punto morto.[66][67] Con ningún circuíto disposto a acoller a carreira,[68][69] o evento foi finalmente cancelado, deixando ao país fora do calendario de Grandes Premios por primeira vez desde 1960.[70]
O Gran Premio de Corea estaba programado para regresar ao calendario de Fórmula Un logo de ser eliminado en 2014, pero o plan foi abandonado en última instancia.[72]
Cambios no regulamento
Regulamento Técnico
O número de motores que pode usar un piloto nunha tempada reducirase de cinco en 2014 a catro en 2015.[73]
As normas relativas ao desenvolvemento do motor que se introduciron na tempada 2014 cambiarán, a FIA confirmou que o regulamento non establece prazos para o desenvolvemento do motor, negando así a interpretación anterior que fixaba o 28 de febreiro como o último día para os cambios.[74]
Logo da reacción aos "feos" deseños dos morros da tempada 2014, a FIA modificou as normas que rodean o deseño dos morros para a tempada 2015. Os morros serán máis baixos que en 2014, conservando unha sección mínima, pero deben diminuír un punto a velocidade lineal, prohibindo de feito as espectaculares formas de dedo vistos en 2014 en favor dunhas formas máis graduais. Ademais, o deseño do morro debe ser simétrico e en consonancia coa liña central do coche, prohibindo así os deseños máis exóticos, como o de "dobre cabeiro" utilizado por Lotus no chasis E22.[75]
O peso mínimo dos vehículos foi aumentado a 702 kg.
A prohibición dos sistemas de suspensión dianteiras e traseiras interconectadss (Fric) aplicadas no medio da tempada de 2014 formalizouse. Non pode haber transferencia entre as suspensións dianteira e traseira, o que era habitual nos últimos anos, en practicamente todos os equipos, para manter a altura do coche constante en curvas e freadas, mellorar a estabilidade do monopraza e o desgaste das rodas.
Os paneis anti-intrusión en ambos lados da célula de supervivencia estendéronse cara a arriba ata o bordo da bañeira e á beira da cabeza do piloto.
Logo dos problemas financeiros que pasaron os equipos Marussia e Caterham en 2014, a FIA aprobou o uso do chasis cas especificacións de 2014 en 2015 para estes equipos que recibiron unha dispensa para competir cos seus vellos chasis.
Regulamento Deportivo
A prohibición parcial de comunicacións entre os pits e os coches introducida no Gran Premio de Singapur de 2014 ampliarase para incluír unha prohibición xeral sobre o intercambio de información técnica entre o equipo e o piloto, como os axustes específicos de consumo de combustible.[76]
Xa non se premiara con puntos dobres a carreira final do campionato.
Tralo grave accidente de Jules Bianchi Durante o Gran Premio do Xapón de 2014 presentarase un novo procedemento chamado coche de seguridade virtual (VSC), que obriga aos pilotos a reducir a velocidade para que coincida coa que se indique nas pantallas dos seus volantes. O procedemento poderá iniciarse cando ondeen as dobres bandeiras amarelas en calquera sección dun circuíto no que os competidores e os comisarios poidan estar en perigo, pero as circunstancias non sexan tan perigosas como para xustificar a saída do coche de seguridade real. As letras VSC (Virtual Safety Car) leranse nos paneis dos comisarios de posto e os pilotos non poderán entrar en pits salvo para cambiar pneumáticos. Cando acabe o perigo informarase aos equipos e entre 10 e 15 segundos despois, o cartel VSC cambiará a verde para que continúe a carreira.
Foron modificados os procedementos do coche de seguridade. Se anula a idea de facer novas saídas con cada coche de seguridade real que salga, e xa non terá que esperar a que todos os dobrados recuperen a posición para volver ao pit lane.[63]
Se suspéndese unha carreira (bandeira vermella), os coches xa non aliñaranse na grella, no seu lugar procederan a saír lentamente pola rúa de boxes. A saída de boxes pecharase e o primeiro coche en chegar á rúa de boxes procedera á saída cos outros facendo cola por detrás na orde en que chegaron, sen importar a posición na carreira ou a situación do garaxe. Circunstancias aínda máis graves poderían requirir deter os coches de inmediato na pista.[63]
Se o equipamento ou persoal do equipo permanecen na pista logo do sinal de quince segundos antes do inicio da volta de formación, o piloto do coche en cuestión debe comezar a carreira desde o pit lane. Se o piloto non o fai, recibirá unha penalización dun stop and go de dez segundos.[63]
A substitución dunha unidade de potencia completa xa non dará lugar a unha penalización. En cambio, as sancións aplicaranse de forma acumulativa para os compoñentes individuais da unidade de potencia. Se un piloto non pode cumprir as sancións con posicións na grella, non se acumulan para o seguinte Gran Premio, senón que se transforman en sancións de tempo nesa mesma carreira.
Os comisarios poden sancionar agora con 10 segundos e non cinco, as pequenas infraccións de carreira.
Se un coche regresa á pista logo da parada en boxes de forma perigosa será castigado automaticamente cun stop and go de dez segundos. Aplicaranse outras sancións se os comisarios cren que o piloto é consciente disto e trata de pilotar o coche sen telo en conta.[63]
Os procedementos de cualificación foron modificados para atender os diferentes tamaños das grellas de saída; se cualifican vinte e catro coches na carreira, serán eliminados sete logo da de cada un dos dous primeiros segmentos de cualificación; se cualifican vinte e dous coches, serán eliminados seis logo de cada segmento da cualificación e así sucesivamente se cualifican menos coches.
A partir do Gran Premio de Bélxica, prohibiuse a comunicación por radio dos enxeñeiros cos pilotos no comezo da carreira, como para a configuración do mapa de torque recomendado ou para a aceleración óptima. Esta restrición engadiuse á prohibición parcial da radio implementada ao final da tempada anterior.[77]
Aos pilotos xa non se lles permitiu cambiar o deseño do seu casco durante a tempada.[78]
Piloto de probas dos venres (PP) (desde 2003 en diante)
En branco
Non participou nas prácticas (NPP)
Excluído (EX)
Non chegou (NCG)
Negra – Pole Cursiva – Volta rápida
† Pilotos que non terminaron o Gran Premio, pero se clasificaron ao completar máis do 90% da distancia de carreira.
↑"Friday's FIA Press Conference". 3 de xullo de 2015. Arquivado dende o orixinal o 07 de agosto de 2015. Consultado o 9 de xullo de 2015. VM: Well, all of us have been eagerly awaiting the British Grand Prix and the launch of our new B-spec car.
↑Collantine, Keith (12 de marzo de 2015). "Manor F1 car appears in Australia". F1 Fanatic (Keith Collantine). Arquivado dende o orixinal o 15 de marzo de 2015. Consultado o 12 de marzo de 2015.
