Бейкер-стрыт

Бейкер-стрыт Вэстмінстэр
Агульная інфармацыя
Краіна	Вялікабрытанія
Горад	Вэстмінстэр
Працягласць	2,4 км
Паштовы індэкс	NW1 і W1
Медыяфайлы на Вікісховішчы

Бейкер-стрыт (англ.: Baker Street) — вуліца ў лонданскім раёне Мэрылебан (паўночная частка Вэстмінстэра) даўжынёй 2,4 кіламетры. З’яўляецца часткай шашы А41.

Вуліца атрымала назву ў гонар будаўніка Уільяма Бейкера, які праклаў яе ў XVIII стагоддзі. Першапачаткова тут было месца жыхарства для вышэйшага саслоўя, аднак у нашы дні на Бейкер-стрыт пераважна размяшчаюцца камерцыйныя і гандлёвыя аб’екты. Паштовы код — NW1/W1.

Найбольш вядомая дзякуючы знакамітаму персанажу Артура Конан Дойла — прыватнаму дэтэктыву Шэрлаку Холмсу. Паводле задумы аўтара, вялікі дэтэктыў жыў на Бейкер-стрыт у доме 221Б, якога ў рэальнасці не існавала на момант напісання твораў.