Stroncijan palaine
38
0
Sr 87,62
Stroncii
Stroncii (Sr — strontium latinan kelel) om 38nz' himine element himižiden elementoiden periodižes tabludes . Sen sijaduz om kahtendes gruppas (vanhtunuden klassifikacijan mödhe — kahtenden gruppan päalagruppas, IIA), tabluden videndes periodas.
Stroncii om levitadud londuses keskmäras, sen pala Man kores om 0,014 % massan mödhe (läz 23nz' sija), litosferas — 0,045 %. Metall om lujas aktivine himižešti, i sikš ei voi löuta sidä londuses puhthas olendas.
Vl 1808 anglijalaine Hemfri Devi-himik sai puhtast stroncijad ezmäižen kerdan. Nimituz libub stroncianit-mineralaspäi, löutihe sidä Šotlandijan Strontian-külänno (šotl.-kel't .: Sron an t-Sìthein ).
Stroncii om pehmed tagokaz plastine hobedaižvauged muglmametall .
Atommass — 87,62. Ninevuz (normaližiš arvoimižiš) — 2,54 g/sm³. Suladandlämuz — 1050 K (777 C°). Kehundlämuz — 1650 K (1377 C°).
Stabiline stroncii kogoneb nelläs izotopaspäi: 84 Sr (0,56 %), 86 Sr (9,86 %), 87 Sr (7,00 %), 88 Sr (82,58 %). Tetas 29 radioaktivišt izotopad 73..83, 85, 89..105 atommassanke, i niiden kuz' izomärad. Kaikiš hätkembad ratud izotopad oma 90 Sr 28,9 vot pol'čihodamižen pordonke, 85 Sr (T½ = 64,85 päivest) i 89 Sr (T½ = 50,57 päivest). Radioaktivižed izotopad hajetas β- i protonižen (nomerad 73, 75, 77), β- i neitronižen (nomerad 97..102) vai muite β-čihodamižen (kaik toižed) kal't, kändasoiš rubidijaks vai ittrijaks , izotopad 73, 75, 77 — rubidijaks i kriptonaks .
Stroncijan muigotandmär om +2 ühtnendoiš. Reagiruindan ičendad oma kal'cijan pojavad. Teravas reagiruib vedenke:
S
r
+
2
H
2
O
→ → -->
S
r
(
O
H
)
2
+
H
2
↑ ↑ -->
{\displaystyle {\mathsf {Sr+2H_{2}O\rightarrow Sr(OH)_{2}+H_{2}\uparrow }}}
i metallatomižidenke substancijoidenke, muigotub il'mas pakuiženke kerthenke. Läz ei ole muglreakcijoid. Stroncijan tuhk voib süttuda iče il'mas, mugažo metall palab il'mas huldutamižen aigan.
Kortktoil lämuzil stroncii reagiruib hil'muiktuzgazanke säden karbidoid:
5
S
r
+
2
C
O
2
→ → -->
S
r
C
2
+
4
S
r
O
{\displaystyle {\mathsf {5Sr+2CO_{2}\rightarrow SrC_{2}+4SrO}}}
Londuseline stroncii om toksine vähän, kävutase metallurgijas i pirotehnikas, i ei pida segoitada sidä radioaktivižidenke izotopoidenke. Ottas kävutamižhe irgäd stroncijad uranan endištandan reakcijas. Tehtas kaikenaigaižid magnitoid , stroncijan hapanduz ottase keramižen üläveimen palaks.
Irdkosketused
