Meitnerii
109
2
Mt 278
Meitnerii
Meitnerii (Mt — meitnerium latinan kelel) om 109nz' himine element himižiden elementoiden periodižes tabludes . Sen sijaduz om ühesandes gruppas (vanhtunuden klassifikacijan mödhe — kahesanden gruppan laptalagruppas, VIIIB), tabluden seičemendes periodas.
Ei ole meitnerijad londuses. Se om transaktinoidine ratud element. Saihe meitnerijan severt-se atomoid vaiše, čihodase teravas.
Ezimeletadud muigotandmärad[ 1]
Avaiduz
Germanižiden fizikantedomehiden grupp Jügedoiden ioniden Institutaspäi (Darmštadt ) avaiži meitnerijan vl 1982, sai sen izotopad-266 vismutaspäi -209 i raudaspäi -58. Kaik toižed izotopad oliba sadud jüžmakombiden elementoiden čihodamižes.
Vspäi 1997 element nimitase avstrižen Liza Meitner -fizikantedomehen muštoks.
Meitnerii om radioaktivine päličmänendmetall .
Atommass — 278. Ninevuz (normaližiš arvoimižiš) — 37,4 g/sm³ (ezimeletaden )[ 1]
Vodele 2013 i nügüd'aigan kaik om kahesa avaitud izotopad 266, 268, 270, 274..278 atommassanke, üks'jäine 276m-izomär om löudnus (sen pol'čihodamižen pord om seičeme sekundad). Kaikiš hätkemban meitnerii-278-izotopan pol'čihodamižen pord om kuz' sekundad, sid' 270 Mt (T½ =800 ms), 274 Mt (640 ms) i 276 Mt (620 ms).
Kaik izotopad kändasoiš borjiaks α-čihodamižes päiči meitnerijad-277, kudamb čihodase erazvuiččihe südäitukuihe.
↑ 1,0 1,1 Haire, Richard G. Transactinides and the future elements (Transaktinoidad i tuleban aigan elementad) // The Chemistry of the Actinide and Transactinide Elements (Elementoiden-aktinoidoiden i transaktinoidoiden himii) / Morss; Edelstein, Norman M.; Fuger, Jean. — 3. pästand. — Dordrecht, The Netherlands: Springer Science+Business Media, 2006. (angl.) ISBN 1-4020-3555-1
Irdkosketused
