Западна Германија се натпреварувала на Олимписките игри помеѓу 1952 и 1988 година. На Летните олимписки игри 1952 кои биле први за германските натпреварувачи по Втората светска војна и поделбата на Германија, постоел де факто Западно Германски тим кој се натпреварувал под знамето на Германија, откако Источно Германскиот тим одбил да учествува. Во периодот од 1956 до 1964 двете држави се натпреварувале заедно под знамето на Обединетата екипа на Германија.
Од 1968 година, Западна Германија се натпреварувала самостојно на Олимписките игри и испратила натпреварувачи на сите изданија сè до 1988 година освен на игрите во Москва во 1980 година кои ги бојкотирала. По обединувањето на Германија во 1990 година, бил возобновен германскиот тим.