Стрезовце

Стрезовце
Влезот во село Стрезовце
Стрезовце Местоположба на Стрезовце во Македонија Стрезовце на карта
Координати 42°08′48″N 21°53′21″E
Регион	Североисточен
Општина	Старо Нагоричане
Област	Козјачија
Население	54 жит. (поп. 2021)[1]
Пошт. бр.	1304
Повик. бр.	031
Шифра на КО	17096
Стрезовце на општинската карта Атарот на Стрезовце во рамките на општината
Стрезовце на Ризницата

Стрезовце или Стрезовци — село во Општина Старо Нагоричане, во областа Козјачија, во околината на градот Куманово.

Население

Население во минатото

Година Нас. ±% 1948 561 —     1953 645 +15.0% 1961 635 −1.6% 1971 493 −22.4% 1981 302 −38.7%	Година Нас. ±% 1991 156 −48.3% 1994 136 −12.8% 2002 117 −14.0% 2021 54 −53.8%

Според германска карта издадена во 1941 година, а заснована на пописот на Кралството Југославија од 1931 година, селото имало 400 Македонци.^[2]

Според пописот од 2002 година, во селото Стрезовце имало 117 жители, од кои 115 Македонци и 2 Срби.^[3]

Според последниот попис од 2021 година, во селото живееле 54 жители, од кои 42 Македонци и 12 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	285	300	561	645	635	493	302	156	136	117	54

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Стрезовце е македонско село.

Според истражувањата од 1971 година родови во селото се:

• Стари родови со непознато потекло: Велковци (10 к.), Стефановци (8 к.), Шуклинци (5 к.), Терзинци (3 к.) и Зајци (2 к.)
• Доселеници со познато потекло: Шарковчанци (10 к.) доселени се од некое село на Шар Планина; Попинци (5 к.) доселени се од некое село во околината на Ниш, го знаат следното родословие: Славко (жив на 50 г. во 1971 година) Цветан-Кипријан-Стојан, кој се доселил во селото; Дедо-Илијини (5 к.) доселени се од селото Коњух; Живуша (10 к.) и Дејловчани (5 к.) доселени се од селото Дејловце; Зајачка Дупка (3 к.) и Чифличани (5 к.) доселени се од селото Огут.^[9]

Културни и природни знаменитости

Верски објекти

• Црква „Св. Никола“ од 1606 г. прпгласена за културно наследство на Македонија^[10]
• Црква „Св. Прохор Пчински“ на растојание од селото
• Параклис „Св. Петка“ по главниот пат

Археолошки наоѓалишта

• Калиште ― градиште од доцноантичкото време^[11]

Личности

• Горазд Европски (1936 - 2020) — митрополит на МПЦ - ОА
• Марјан Димитријевски (р. 1954) — историчар

Иселеништво

Како и од другите села, така и од ова село голем дел од населението се има иселено. Младенови се иселиле во селото Макреш. Менкини целосно се иселиле во Куманово.^[9]

Посилен бран на иселување започнал после 1960 година и водел воглавно кон најблиските градови.

Галерија

• 
  Поглед на црквата „Св. Прохор Пчински“ во Стрезовце
• 
  Поглед на селото
• 
  Поглед на селото
• 
  Поглед на селото
• 
  Поглед на селото

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. „200K Volkstumskarte Jugoslawien“.
3. „Попис на Македонија“ (PDF). Завод за статистика на Македонија. 2002. Посетено на 26 март 2017.
4. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
5. К’нчов, Васил. „Македонија. Етнографија и статистика“. Софија, 1900
6. Brancoff, D.M. „La Macédoine et sa Population Chrétienne“. Paris, 1905.
7. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
8. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
9. Трифуноски, Јован (1974). Кумановска област. Скопје.
10. Список на заштитени добра. Состојба до 31.12.2012. Скопје: Управа за заштита на културното наследство.
11. Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. стр. 223. ISBN 9989649286.

Надворешни врски

• Стрезовце на Ризницата ^?