La Macédoine et sa Population Chrétienne ![]() Корица на книгата |
| Автор | Димитар Мишев, под псевдоимот Бранков (D. M. Brancoff) |
|---|
| Земја | Франција |
|---|
| Јазик | француски |
|---|
| Жанр | статистика на населението |
|---|
| Објавена | 1905 |
|---|
| Издавач | „Плон“, Париз |
|---|
„La Macédoine et sa Population Chrétienne“[1] (во превод на македонски: „Македонија и нејзиното христијанско население“) — дело отпечетано на француски јазик во 1905 г. во Париз. Автор на книгата е поранешниот секретар на Бугарската егзархија Димитар Мишев, кој на неа се води под псевдонимот Бранков (француски: Brancoff).
Книгата претставува подробен статистички попис на населените места во Македонија во своите пошироки тогашни граници. Даддени се податоци за бројот на населението, етничката и вероисповедна припадност на христијанското население, како и за присуството на христијански училишта (бугарски, грчки, српски и влашки), со бројот на учители и ученици. Делото дава добар преглед на црковно-образовната поделеност на македонското население, растргнато меѓу споменатите странски пропаганди, каде, во духот на својата егзархиска агенда и воспитание, Мишев, претежно заради политички причини и заради неговото учество во бугарската егзархија ги обележал сите Македонци како Бугари. „La Macédoine et sa Population Chrétienne“ е втората обемна статистика на населението на Македонија од бугарски автор, по капиталното дело на Васил К’нчов од 1900 г. насловено како „Македонија. Етнографија и статистика“.
Во моментот на објавување на делото, дел од информациите за Кумановската, Паланечката и Кочанската каза веќе не биле актуелни поради активизирањето на српската пропаганда, каде дел од селата биле преземени од егзархијата.[2]
Наводи
