Њ, њ — кирилична буква, првобитно лигатура од буквите Н и Ь. Се користи во македонската и српската азбука, каде ја претставува звучниот палатален назал [ɲ]. Во македонскиот јазик употребата на оваа буква е јасно илустрирана во Мисирковата книга За македонцките работи и таму се означува како н', а во постари текстови како нь (како на пример во делата на Марко Цепенков), кои очигледно служеле како инспирација за современата адаптација. Усвоениот граф со кој се означува гласот кој соодветствува на оваа буква во македонската азбука за првпат се користи во српската азбука предложена од Вук Караџиќ.
Поврзано
