Հայ-չեխական հարաբերություններ

Հայ-չեխական հարաբերություններ

Հայաստան	Չեխիա

Հայ-չեխական հարաբերություններ (չեխ․՝ Arménsko-české vztahy), դիվանագիտական հարաբերությունները Հայաստանի և Չեխիայի միջև։

Հայաստանի և Չեխիայի միջև դիվանագիտական հարաբերությունները հաստատվել են Չեխոսլովակիայի բաժանումից հետո՝ 1993 թվականին^[1]։ Հայաստանը և Չեխիան Եվրոպայի անվտանգության և համագործակցության կազմակերպության և Միավորված Ազգերի կազմակերպության անդամներ են։

Պատմություն

Պրահայում Հայաստանի դեսպանատան շենքը

Հայաստանի և Չեխիայի արտաքին հարաբերությունները երկար տարիների պատմություն ունեն։

Երևանում գործում է Չեխիայի, իսկ Պրահայում՝ Հայաստանի դեսպանատուն։ Հայաստանի քաղաքացիները կարող են դիմել Չեխիայի վիզայի համար Չեխիայի դեսպանատուն Հայաստանում։

2011 թվականի օգոստոսի 11-ին Տիգրան Սեյրանյանը նշանակվել է Չեխիայի Հանրապետությունում Հայաստանի արտակարգ և լիազոր դեսպան։ Սեպտեմբերի 7-ին նա իր հավատարմագրերն է հանձնել Չեխիայի Հանրապետության նախագահ Վացլավ Կլաուսին։

2015 թվականի հունվարի 16-ին Հայաստանում Չեխիայի Հանրապետության արտակարգ և լիազոր դեսպան Պետր Միկիսկան իր հավատարմագրերն է հանձնել Հայաստանի նախագահ Սերժ Սարգսյանին։

Տես նաև

• Հայերը Չեխիայում

Ծանոթագրություններ

1. «Չեխիա - Երկկողմ հարաբերություններ - Հայաստանի Հանրապետության արտաքին գործերի նախարարություն». www.mfa.am. Արխիվացված է օրիգինալից 2016 թ․ սեպտեմբերի 16-ին. Վերցված է 2016 թ․ սեպտեմբերի 10-ին.