Mýtna, hungare Vámosfalva [vAmoŝfalva], germane Mauth bei Dettwa estas vilaĝo kaj municipo en Slovakio.
![]()
Mýtna situas en la plej griza parto
ISO
Mýtna situas en valo de rojo, laŭ ĉefvojo kaj fervojo Zvolen-Lučenec. La lasta urbo troviĝas je 18 km-oj.
La loko estis loĝata jam dum la bronzepoko. Antaŭ la hungara dominado avaroj kaj slavoj vivis tie. La unua mencio okazis pri la vilaĝo en 1393 en parte hungara, parte slava formo "Wamuslehutaya". La pura hungara loknomo aperis en 1467 en formo "Wamosfalva". Laŭ la onidiro en 1423 nur dogana domo estis tie. En la 15-a jarcento la husanoj trakonstruis la templon al ankaŭ defenda celo. En 1715 oni komputis tie 100 vilaĝanojn (9 slovakajn kaj 1 hungarajn familiojn) en 10 domoj, post 5 jaroj 12 slovakajn kaj 3 hungarajn familiojn. En 1821 incendio okazis. En 1828 vivis tie 797 vilaĝanoj en 102 domoj. Lernejo funkcias ekde 1857. La fervojo atingis la vilaĝon en 1871. Post 2 jaroj pro ĥolero iom da vilaĝanoj mortis. Ĝis 1899 la oficiala hungara loknomo estis Mitna, poste ĝi rericevis sian pli fruan hungaran nomon pro la hungariga politiko. En 1910 laŭ la popolnombrado vivis en Vámosfalva 1052 homoj, (slovakoj en majoritato, hungaroj en minoritato). Ĝis Traktato de Trianon la komunumo apartenis al Hungara reĝlando, al Nógrád (reĝa departemento), al distrikto de Losonc, poste al Ĉeĥoslovaka respubliko, dum la 2-a mondmilito kaj ekde 1993 al Slovakio. En 2001 vivis en Mýtna 1234 homoj, (1217 slovakoj).
Vidindaĵoj
Eksteraj ligiloj
Fontoj
