Порцыя (англ.: Portia) — унутраны спадарожнік планеты Уран. Была адкрыта 3 студзеня1986 года па здымках, зробленых апаратам «Вояджэр-2», і атрымала часовае абазначэнне S/1986 U 1. Названая ад імя персанажа з п’есы Шэкспіра «Венецыянскі купец». Таксама пазначаецца як Уран XII.
Порцыя абарачаецца ніжэй сінхроннай каляуранавай арбіты, па гэтай прычыне арбіта спадарожніка паступова зніжаецца з-за ўздзеяння прыліўных сіл. З часам яе можа паглынуць Уран або разбурыцца з-за прыліўнога расцяжэння і ўтварыць кольца.
Порцыя ўзначальвае групу Порцыі — групу спадарожнікаў, якая таксама ўключае ў сябе Б’янку, Крэсіду, Дэздэмону, Джульету, Разалінду, Купідона, Белінду і Пердыту. У гэтых спадарожнікаў падобныя арбіты і фотаметрычныя ўласцівасці. За выключэннем арбіты, радыуса ў 140 км і геаметрычнага альбеда 0,08, пра Порцыю практычна нічога не вядома.
