Спадарожнік быў адкрыты ў 1979 годзе апаратам Вояджэр 1 і атрымаў папярэдняе пазначэнне S/1979 J 3. У 1983 спадарожнік быў афіцыйна названы ў гонар старажытнагрэчаскай багіні мудрасці Метыды, першай жонкі Зеўса.
Метыда ляжыць у асноўным планетарным кольцы Юпітэра і можа з'яўляцца крыніцай матэрыялу, з якога складаецца кольца. Арбіта спадарожніка ляжыць ўнутры радыусу сінхранізаванай арбіты Юпітэра (як і ў Адрастэі), таму прыліўныя сілы паступова прымушаюць арбіту паніжацца. Метыда таксама ляжыць у межах Роша для «вадкіх» спадарожнікаў, але не для «цвёрдых», таму ёй не пагражае гравітацыйнае разбурэнне.
Метыду, спадарожнік Юпітэра, не варта блытаць з астэроідам Метыда.
