Rock Stone Pond

Wapen/Flagg	Koort
Basisdaten
Distrikt: Belize
Inwahners:	154 (2010-00-002010)
Geograafsche Laag:	Koordinaten:17° 46′ N, 88° 20′ W17° 46′ N, 88° 20′ W

Rock Stone Pond oder ok Rockstone Pond is en Gemeen in’n Distrikt Belize von dat Land Belize.

Geografie

Dat Water ut dat Rebeed flütt över’n Cowhead Creek na de Midwinters Lagoon un de Karibische See hen af. In’n Westen liggt dat Crooked Tree Wildlife Sanctuary.

De Naveröörd sünd Chicago un Santana in’n Noordoosten, Lucky Strike un Cowhead Creek in’n Oosten, Boston un Sand Hill in’n Süden, Gardenia in’n Süüdwesten, Biscayne in’n Westen un Rhaburn Ridge in’n Noordwesten.

Historie

Ruinen von Altún Ha

De Oort liggt bi de Maya-Ruinen von Altún Ha.

De Naam von dat Dörp Rock Stone Pond kummt von en Maya-Waterreservoir (Aguada) dat to de ole Stadt Altún Ha höört hett. De fröhere Naam von de Maya-Stadt is nich bekannt. De hüdige Naam Altún Ha is eerst in dat 20. Johrhunnert opkamen, as de Utgravers von de Maya-Stadt dat engelsche Rock Stone Pond wedder trüggöversett hebbt in de Maya-Spraak.

Dat Dörp is in de Johren 1930 anleggt worrn, as arbeidslose Inwahners von Belize-Stadt (vör allen Kreolen) langs’n Northern Highway ansiedelt worrn sünd.^[1]

Inwahnertall

Johr	Inwahners
2000-00-002000[2]	155 Lüüd, 30 Huushollen
2010-00-002010[3]	154 Lüüd, 39 Huushollen

Weertschop un Infrastruktur

Verkehr

De Oort liggt an en Siedenstraat von’n Old Northern Highway, de in’n Noorden na Maskall föhrt un in’n Süüdwesten in’n Philip Goldson Highway münnt. De Philip Goldson Highway löppt in’n Noordwesten na Orange Walk un Corozal un wieder na de Grenz to Mexiko un in’n Süüdoosten na Belize-Stadt.

Över’n Burrell Boom Cutoff is de Philip Goldson Highway ok an’n George Price Highway anbunnen.

Footnoten

1. Afro-Caribbean villages in historical perspective. African-Caribbean Institute of Jamaica, 1987, Sied 67
2. Zensus 2000 (PDF) von dat Central Statistical Office of Belize
3. Zensus 2010 (PDF) von dat Statistical Institute of Belize

Gemenen von’n Distrikt Belize in Belize

Belize-Stadt | Bermudian Landing | Biscayne | Boston | Burrell Boom | Caye Caulker | Crooked Tree | Double Head Cabbage | Flowers Bank | Gales Point | Gardenia | Gracie Rock | Hattieville | Isabella Bank | La Democracia | Ladyville | Lemonal | Lords Bank | Lucky Strike | Mahogany Heights | Maskall | Rancho Dolores | Rock Stone Pond | San Pedro Town | Sand Hill | Santana | Scotland Halfmoon | St. George’s Caye | St. Paul’s Bank | Willows Bank