Old Northern Highway

Straat twüschen Carmelita un Santa Martha

De Old Northern Highway is een von de lüttjeren Överlandstraten in Belize. He liggt in de Distrikte Belize un Orange Walk.

De 66 Kilometer lange Straat is deelwies asphalteert un deelwies en Schotterstraat.

De Straat weer fröher Deel von’n Northern Highway, de op’n Afsnidd, de nu Old Northern Highway heet, en ne’en Verloop wieder in’n Westen kregen hett un vondaag Philip Goldson Highway nöömt warrt.

Verloop

De Highway fangt an’n Philip Goldson Highway (de ne’e Northern Highway) in Sand Hill an un löppt von dor na Noordoosten dör de Öörd Boston, Cowhead Creek, Lucky Strike (dor geiht en lüttjere Straat na Altún Ha af) un Santana. Hier dreiht de Oort na Noorden un löppt dör Chicago (Siedenstraat na Corozalito) un Maskall (Siedenstraat na Bomba). In Maskall geiht de Straat mit en Brügg över’n Northern River un de Verloop dreiht na Noordwesten. De Straat föhrt dör den Oort Santa Martha (Siedenstraat na Neuland) na Carmelita un münnt dor wedder in’n Philip Goldson Highway. De Philip Goldson Highway föhrt von dor wieder na Orange Walk un Corozal.

Weblenken

Old Northern Highway. Mehr Biller, Videos oder Audiodateien to’t Thema gifft dat bi Wikimedia Commons.

Straten in Belize

Highways: George Price Highway | Hummingbird Highway | Philip Goldson Highway | Southern Highway

Annere: Airport Link Road | Burrell Boom Cutoff | Chiquibul Road | Manatee Highway | Old Northern Highway | San Antonio Road