PROFILBARU.COM

Wapen/Flagg

Koort

Basisdaten

Distrikt: Belize

Inwahners:

1.063 (2010-00-002010)

Geograafsche Laag:

Koordinaten:17° 20′ N, 88° 34′ W17° 20′ N, 88° 34′ W

Mahogany Heights is en Gemeen in’n Distrikt Belize von dat Land Belize.

Geografie

En poor Kilometer in’n Süüdoosten von’n Oort flütt de Sibun River langs.

De Naveröörd sünd Jih Chan in’n Noordoosten, Bird Walk in’n Süüdoosten, La Democracia in’n Oosten, Frank’s Eddy, St. Matthew’s un Beaver Dam in’n Süüdwesten un More Tomorrow in’n Westen.

Historie

De Oort is as Neeboprojekt von de Regerung von Belize anleggt worrn. De eersten Plaans dorto sünd 1998 bekannt maakt worrn.^[1] Dor schullen Lüüd hentehn, de betherto op de övervölkerte Southside von Belize-Stadt leevt harrn. De Oort is an’n 8. Februar 2003 offiziell inwieht worrn.^[2]

Den Naam Mahogany Heights is von Yolanda Rector ut Belize-Stadt vörslahn worrn.^[1] Mahogany kummt von’n Mahagoni-Boom, de en natschonaal Symbol von Belize is un Heights steiht för de Laag in en högerlegen Rebeed^[1] in en Savannenlandschop, dat vör de Hurrikans seker is, de de Küsten von Belize fakener överswemmt.

Inwahnertall

Johr	Inwahners
2010-00-002010^[3]	1.063 Lüüd, 288 Huushollen

Weertschop un Infrastruktur

Siet 1991 besteiht de Belize Zoo dicht bi Mahogany Heights.

Verkehr

De Oort liggt dicht bi’n George Price Highway, de in’n Süüdwesten na Belmopan föhrt un in’n Noordoosten över Hattieville na Belize-Stadt. Von’n George Price Highway geiht na Süüdoosten de Manatee Highway af, de na Hope Creek un Dangriga löppt.