Lords Bank oder ok Lord’s Bank is en Gemeen in’n Distrikt Belize von dat Land Belize.
De Öörd Lords Bank un Ladyville sünd deelwies tohoopwussen un billt en wichtigen Vöroort to Belize-Stadt.
Geografie
De Oort liggt an dat Noordöver von’n Belize River un knapp veer Kilometer af von de Karibische See.
De Naveröörd sünd Ladyville in’n Oosten, Belize-Stadt in’n Süüdoosten, Western Paradise in’n Süden, Tropical Park in’n Süüdwesten un Burrell Boom, Maxboro un Sand Hill in’n Noordwesten.
Historie
Inwahnertall
| Johr |
Inwahners
|
| 2000-00-002000[1] |
1.100 Lüüd, 273 Huushollen
|
| 2010-00-002010[2] |
3.140 Lüüd, 884 Huushollen
|
Weertschop un Infrastruktur
Bi Lords Bank doot de Price Barracks liggen, in de de Belize Defence Force ehren Sitt hett.
De Oort liggt üm un bi 15 Kilometer von Belize-Stadt weg. Vele Inwahners sünd dorüm Pendlers in de Hööftstadt.
An Ünnernehmens gifft dat ünner annern de Belikin Brewery un de Affüllanlagen von Bowen and Bowen, Ltd., de Affüllers för Coca Cola in Belize sünd.
Verkehr
![]()
De Flegerhaven
De Oort liggt an’n Philip Goldson Highway, de in’n Noordwesten na Orange Walk un Corozal un wieder na de Grenz to Mexiko löppt un in’n Süüdoosten na Belize-Stadt.
Twüschen Flegerhaven un den George Price Highway in Western Paradise in’n Süden warrt opstunns (Stand 2019) en ne’e Straat boot.
Bi Lords Bank liggt de gröttste Flegerhaven von Belize, de Philip S. W. Goldson International Airport.
- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
